Diqqat tanlov!

Axborot va ommaviy kommunikatsiyalar agentligi O‘zbekiston Respublikasi Prezidentining 2025-yil 30-yanvardagi PF–16-son Farmoni bilan tasdiqlangan “O‘zbekiston–2030” strategiyasining qonun ustuvorligini ta’minlash, xalq xizmatidagi davlat boshqaruvini tashkil etish yo‘nalishi bo‘yicha 2025-yilga mo‘ljallangan amaliy tadbirlar rejasi”ning 83-maqsadi, 14-bandiga asosan axborot xizmatlari o‘rtasida “Eng yaxshi axborot xizmati” tanlovi o‘tkazilishini e’lon qiladi.

Tanlov 2 ta – respublika darajasidagi tashkilot va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda hududiy tashkilotlar, tuman va shahar hokimliklari yo‘nalishida 3 ta bosqichda o‘tkaziladi.

Axborot xizmatlari Tanlovga ishtirok etish uchun 2024 yil davomida amalga oshirilgan ishlari haqidagi ma’lumotni белгиланган шаклда 2025-yil 20-martga qadar Axborot va ommaviy kommunikatsiyalar agentligiga taqdim etishlari lozim.

Tanlov g‘oliblari 27-iyun – Matbuot va ommaviy axborot vositalari xodimlari kuni arafasida har bir yo‘nalish bo‘yicha:

1-o‘rin – bazaviy hisoblash miqdorining 50 baravari;

2-o‘rin – bazaviy hisoblash miqdorining 40 baravari;

3-o‘rin – bazaviy hisoblash miqdorining 30 baravari;

har bir yo‘nalish bo‘yicha rag‘batlantiruvchi o‘rin – bazaviy hisoblash miqdorining 10 baravari miqdoridagi pul mukofoti bilan taqdirlanadi.

Tanlov materiallari Agentlikning qo‘yidagi elektron manzillari bo‘yicha qabul qilinadi info@aimc.uz, aoka@exat.uz