Давлат органлари ва ташкилотларининг ахборот хизмати ходимлари учун оффлайн ва онлайн шаклда тренинг машғулоти бўлиб ўтди

Маълум қилинганидек, кеча Ахборот ва оммавий коммуникациялар агентлигида Адлия вазирлиги билан ҳамкорликда ОАВ вакиллари учун ўқув-семинари ташкил этилган эди.

Бугун, 24 декабрь куни давлат органлари ва ташкилотларининг ахборот хизмати ходимлари учун оффлайн ва онлайн шаклда тренинг машғулоти бўлиб ўтди. Унда Тошкент давлат юридик университети профессор-ўқитувчилари долзарб мавзулар юзасидан маъруза ва тақдимотлар қилди.

Хусусан, «Давлат органларининг очиқлик ва шаффофлигини таъминлашда ахборот хизматининг ўрни», «Коррупцияга қарши курашда жамоатчилик ва  ОАВнинг аҳамияти», «Ахборот хизматининг жамоатчилик ва ОАВ билан алоқалари», «Инқирозли коммуникация: ижтимоий тармоқлардаги танқидларга жавоб бериш» каби йўналишларда матбуот котиблари ўз билимларини оширди.

Семинар давомида олинган кўникмаларни амалиётда қўллаш, тизим ва режа асосида ишлаш юзасидан тавсиялар берилди.