Attestatsiya uchun namunaviy savollar

Davlat organlari va tashkilotlari axborot xizmati rahbari uchun attestatsiya savollari

Sohaga oid qonunchilik bo‘yicha

1. “Davlat hokimiyati va boshqaruvi organlari faoliyatining ochiqligi to‘g‘risida”gi Qonun haqida nimalarni bilasiz?

2. O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi 2014 yil 5 maydagi O‘RQ-369-son Qonuniga ko‘ra davlat hokimiyati va boshqaruv organlari faoliyati ochiqligining asosiy prinsiplari nimalardan iborat?

3. Davlat hokimiyati va boshqaruvi organlarining faoliyati to‘g‘risidagi axborotlarga nimalar kiradi?

4. Davlat hokimiyati va boshqaruvi organlari rahbarlarining davlat hokimiyati va boshqaruvi organlari faoliyatining ochiqligini ta’minlash sohasidagi vakolatlari nimalardan iborat?

5. Davlat hokimiyati va boshqaruvi organlarining axborot manbalariga nimalar kiradi?

6. Davlat hokimiyati va boshqaruvi organlari faoliyatining ochiqligini ta’minlash usullarini aytib bering.

7. Vazirlik va idoralarning Ochiq hay’at yig‘ilishlarida ommaviy axborot vositalari vakillari ishtirok etishi mumkinmi? Mumkin bo‘lsa bu qaysi hujjatda keltirilgan?

8. Davlat hokimiyati va boshqaruvi organlarining faoliyati to‘g‘risida axborot olishga doir so‘rovni ko‘rib chiqish tartibini aytib bering.

9. Axborot xizmatiga qaysi qonunda tarif berilgan hamda davlat organlari faoliyatining ochiqligini ta’minlashda axborot xizmati qanday vazifani bajaradi?

10. O‘zbekiston Respublikasi Prezidentining “Ommaviy axborot vositalari mustaqilligini ta’minlash hamda davlat organlari va tashkilotlari axborot xizmatlari faoliyatini rivojlantirish bo‘yicha qo‘shimcha chora-tadbirlar to‘g‘risida” 2019-yil 27-iyundagi PQ–4366-son qaroriga ko‘ra davlat organlari va tashkilotlari axborot xizmatlarining asosiy vazifalarini sanab bering?

11. O‘zbekiston Respublikasi Prezidentining “Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida” 2021-yil 16-iyundagi PF–6247-son farmoniga ko‘ra davlat organlari va tashkilotlari tomonidan har yili va har chorakda yangilanishi (ma’lum qilinishi) zarur bo‘lgan ma’lumotlarni sanab bering?

12. “Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida”gi O‘zbekiston Respublikasi Prezidentining Farmonida davlat organlari va tashkilotlari har yili qaysi sanaga qadar o‘z faoliyatiga oid hisobotni rasmiy veb-saytlariga joylashtirishi hamda qaysi sanagacha uni keng jamoatchilik ishtirokida muhokama qilish joyi va vaqti haqida xabar berishi belgilab qo‘yilgan?

13. O‘zbekiston Respublikasi Prezidentining “Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari to‘g‘risida” 2022-yil 14-iyundagi PF–154-son Farmoniga ko‘ra davlat organlari va tashkilotlarida ochiqlikni ta’minlashga mas’ul bo‘lgan xodimlar faoliyatining samaradorligini baholash mezonlariga nimalar kiradi?

14. Davlat xizmatchilari OAV bilan ishlashda qanday hollarda ommaviy bayonot berishi mumkin emas?

15. Davlat xizmatida jamoatchilik nazoratini ta’minlash maqsadida jamoatchilik tomonidan davlat organlari va tashkilotlari faoliyatiga oid ayblov yoki tanqid bildirilgan taqdirda qanday ishlar amalga oshiriladi?

16. Davlat xizmatchilari mansab yoki xizmat majburiyatlarini bajarish vaqtida manfaatlar to‘qnashuvi yuzaga kelgan taqdirda birinchi navbatda amalga oshiriladigan harakat nimadan iborat?

17. “Ommaviy axborot vositalari to‘g‘risida”gi O‘zbekiston Respublikasi Qonunining mazmun-mohiyati nimalardan iborat?

18. Chet davlatlar ommaviy axborot vositalarining vakolatxonalari va vakillarini akkreditasiya qilish tartibi qaysi normativ-huquqiy hujjatda belgilangan?

19. Raddiya berish tartib-taomillarini haqida ma’lumot bering.

20. Axborot erkinligining asosiy prinsiplari nimalardan iborat?

21. Axborot erkinligi tushunchasiga ta’rif bering?

22. Axborot xavfsizligi nima? Uni ta’minlash sohasidagi davlat siyosati qanday amalga oshiriladi?

23. Ommaviy axborot vositasining davlat hokimiyati va boshqaruvi organlari faoliyati to‘g‘risida axborot olish tartibi qanday?

24. O‘zbekiston Respublikasi Konstitusiyasining qaysi moddasida “Ommaviy axborot vositalari erkindir va qonunga muvofiq ishlaydi. Ular axborotning to‘g‘riligi uchun belgilangan tartibda javobgardirlar. Syenzuraga yo‘l qo‘yilmaydi”, deb belgilangan.

25. OAVda tuhmat va haqorat qilganlik uchun qanday javobgarlik belgilangan?

26. O‘zbekiston Respublikasining axborot sohasidagi yagona davlat siyosatini ishlab chiquvchi va amalga oshiruvchi vakolatli organ haqida nimalarni bilasiz?

27. Kimlar axborotni izlash, olish, tekshirish, tarqatish, undan foydalanish va saqlash huquqiga ega?

28. Davlat organlari va tashkilotlari axborot xizmatlari rahbarlarining ish samaradorligi qanday mezonlar asosida baholanadi?

29. Axborot xizmati rahbari faoliyatini baholash bo‘yicha mezonda matbuot anjumani va brifinglarda tashkilotning birinchi rahbari ishtirok etishi inobatga olinadimi? Bu nima uchun kerak, deb o‘ylaysiz?

30. Ommaviy axborot vositalarining qanday turlari mavjud?

31. Ommaviy axborot vositalari faoliyati qaysi qonunlar bilan tartibga solinadi (kamida 5 tasini sanab bering)?

32. O‘zbekiston Respublikasi Prezidentining “Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida”gi farmoni ijrosi axborot xizmati faoliyati bilan bog‘liqmi? Batafsil tushuntirib bering.

33. Shaxsning sha’ni va qadr-qimmatini kamsitish va uni obro‘sizlantirish deganda nima tushuniladi?

34. “Davlat sirlari” bilan ishlash tajribasiga egamisiz? Bunda qanday tartib bor?

35. Qaysi hujjatlarda yolg‘on axborotni tarqatganlik uchun javobgarlik belgilangan?

36. Matbuot kotibining huquq va majburiyatlari nimadan iborat?

37. Bloger va jurnalist tushunchasiga normativ-huquqiy hujjatlarda qanday ta’rif berilgan?

38. Ommaviy axborot vositasi vakili yoki bloger tomonidan davlat boshqaruvi organi rahbarining intervyu berishini so‘rab yo‘llagan og‘zaki murojaati qancha muddatda ko‘rib chiqiladi?

39. Normativ-huququy hujjatlarda tashkilot veb-saytini yuritishda axborot xizmatiga qanday talablar belgilangan?

Axborot xizmati faoliyatiga aloqador mavzular bo‘yicha

40.  Press-reliz nima? Press-reliz tayyorlash jarayonida nimalarga e’tibor berish kerak? Press-relizning qanday turlari mavjud?

41.  Anons, press-reliz, press-kit va ma’lumotnomalarni tarqatishning yana qanday ilg‘or usullari mavjud?

42.  Press-tadbirlarda intervyu beruvchilar bilan qanday ishlanadi?

43.  Matbuot anjumani va brifingning o‘zaro farqi nimada?

44.  Qanday maqsadlarda press-klippingdan foydalaniladi?

45.  Axborot xizmati uchun PR-strategiya ishlab chiqishning qanday ahamiyati va bosqichlarini bilasiz?

46.  Mediakit tushunchasiga ta’rif bering.

47.  Jamoatchilik bilan aloqalar deganda nimani tushunasiz?

48.  Press-pul tashkil etish va uning tarkibini shakllantirish tartibi qanday?

49.  Jamoatchilik bilan aloqalar sohasida inqirozli vaziyatlardan chiqib ketish uchun qanday PR-instrumentlar bor? Ularni bir nechtasini sanab, tushuntirib bering.

50.  Korporativ imij qanday shakllantiriladi? Tashkilot imijini yaratishda Axborot xizmatining ishtiroki qanday?

51.  Inqirozli kommunikasiya nima?

52.  Inqiroz paytida rioya qilinadigan 10 ta oddiy qoidani bilasizmi? Inqirozli holatlarni modellashtirish qanday amalga oshiriladi?

53.  Fakt-cheking nima? Axborot xizmati faoliyatida fakt-cheking nima maqsadda qo‘llaniladi?

54.  Akkreditasiyaning qanday turlari mavjud? OAVning akkreditasiya qilingan vakillari qanday huquqlarga ega?

55.  Chellenj nima, tashkilotingiz tomonida qanday chellenjlar e’lon qilingan? Targ‘ibotni ommalashtirishning yana qanday usullarini bilasiz?

56.  Kopirayting nima?

57.  Baylayner usulining kompaniya imiji uchun qanday foydasi tegishi mumkin?

58.  Matn va vizual matnning o‘zaro farqini tushuntirib bering.

59.  Moderator vazifalari nimalardan iborat?

60.  Press-tur qachon tashkil qilinadi? Unda nimalarga e’tibor qaratish lozim?

61.  Raddiya bilan munosabat tushuchasining farqli jihatlari va ularni qo‘llash tartibi haqida nimalarni bilasiz?

62.  Ommaviy axborot vositalarida e’lon qilingan tanqidiy materialga qancha vaqtda dastlabki rasmiy munosabat bildirilishi talab etiladi?

63.  Tashkilotning ijtimoiy tarmoqlardagi rasmiy sahifalarini verefikasiya qilish qanday amalga oshiriladi?

64.  «Facebook» ijtimoiy tarmog‘ida jonli efir qanday yo‘lga qo‘yiladi?

65.  Kontent tahlil nima? Uning ahamiyatini tushuntiring?

66.  Tashkilot nomidan ijtimoiy tarmoq va mobil messenjerlarda ochilgan feyk sahifa va kanallar aniqlanganda qanday yo‘l tutasiz?

67.  Maqsadli auditoriya bilan interaktivlikning samaradorligini qanday oshirish mumkin?

Amalga oshirilgan ishlar hisoboti

68.  Ijtimoiy tarmoqlardagi sahifalaringizda matbuot tadbirlaringiz o‘tayotgan paytda onlayn efirlar amalga oshirilganmi?

69.  Muayyan axborot voqeligi munosabati bilan matbuot kotibi maqomida rasmiy videobayonot berganmisiz?

70.  Sohaga oid me’yoriy-huquqiy hujjatlarning qabul qilinishi jarayonida tashkilot rahbariyati ishtirokida videosharhlar tayyorlaganmisiz?

71.  Sohaga oid muammolarni birinchi manba sifatida yoritganmisiz?

72.  Lavozimga tayinlangan davringizdan attestasiya davriga qadar amalga oshirgan ishlaringiz haqida (hisobot, erishilgan natijalar, rasmiy veb-sayt, ijtimoiy tarmoqlardagi sahifalar holati, o‘tkazilgan media-tadbirlar, berilgan bayonotlar va boshqalar) gapirib bering.

73.  Lavozimga tayinlangan davringizdan buyon rahbariyatingiz tomonidan yana qanaqa qo‘shimcha vazifalar yuklatilgan?

74.  Shaxsan o‘zingizning tashabbusingiz bilan sohaga oid materiallarni xorijiy ommaviy axborot vositalarida e’lon qilganmisiz?

75.  Xalqaro media makonda O‘zbekiston imijini yanada yaxshilash uchun qanday takliflarni berasiz va o‘zingiz Axborot xizmati rahbari sifatida bu borada nimalarni amalga oshira olasiz?

76.  Jurnalistlar «pul»ini tashkil etganmisiz?

Izoh: Attestatsiya davomida attestasiya komissiyasi a’zolari sohaga oid qo‘shimcha savollar berishi mumkin. Attestatsiya komissiyasi a’zolari tomonidan amaliy yechimini topish lozim bo‘lgan masalalar (keyslar) berilishi mumkin.