Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

Xodjayev Asadjon Azatbekovich

Asadjon Xodjayev 1970-yil 3-sentabrda Qozog‘iston Respublikasi Chimkent viloyatida tug‘ilgan.

Ma’lumoti oliy. 1993-yilda Toshkent elektrotexnika aloqa institutini, 2001 yilda – O‘zbekiston Respublikasi Prezidenti huzuridagi Davlat qurilishi akademiyasini tamomlagan. Mutaxassisligi – elektraloqa muhandisi, iqtisod magistri.

1995–2001-yillarda O‘zbekiston Respublikasi Aloqa vazirligi, O‘zbekiston pochta va telekommunikasiyalar agentligi markaziy apparatida, 2001-2003 yillarda “O‘zbekiston pochtasi” Davlat aksiyadorlik kompaniyasi bosh direktorining birinchi o‘rinbosari, “O‘zinfokom” Kompyuter va axborot texnologiyalarini rivojlantirish hamda joriy etish markazi direktorining birinchi o‘rinbosari lavozimlarida faoliyat ko‘rsatgan.

2003–2004-yillarda O‘zbekiston Respublikasi Prezidenti huzuridagi Milliy xavfsizlik kengashi apparatining yetakchi konsultanti, Axborot-kommunikatsiya texnologiyalari va axborot xavfsizligini rivojlantirish loyihasi rahbari o‘rinbosari lavozimlarida ishlagan.

2004–2011-yillarda O‘zbekiston aloqa va axborotlashtirish agentligi Bosh direktorining o‘rinbosari, 2011-2012 yillarda O‘zbekiston Respublikasi Intellektual mulk agentligi Bosh direktori, 2012-2017 yillarda Alisher Navoiy nomidagi O‘zbekiston Milliy kutubxonasi direktori, 2017 yilda O‘zbekiston Respublikasi Bosh vaziri apparati mudiri, O‘zbekiston Respublikasi Prezidenti Davlat maslahatchisi o‘rinbosari – O‘zbekiston Respublikasi Prezidenti Matbuot xizmati rahbari kabi lavozimlarda faoliyat ko‘rsatgan.

2017-yilning dekabridan O‘zbekiston Respublikasi Prezidenti huzuridagi O‘zbekiston Respublikasining Birinchi Prezidenti Islom Karimov nomidagi Ilmiy-ma’rifiy memorial majmuasi rahbarining birinchi o‘rinbosari bo‘lib ishlagan.

2018-yil avgustidan — Axborot texnologiyalari va kommunikatsiyalarni rivоjlantirish vazirligi huzuridagi Axborot xavfsizligi va jamoat tartibini ta’minlashga ko‘maklashish markazi direktori, Axborotlashtirish va telekommunikatsiyalar sohasida nazorat bo‘yicha davlat inspeksiyasining boshlig‘i lavozimlarida ishlagan.

2020-yil 29-iyuldan buyon O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori.

Oilali, 4 nafar farzandi bor.

Qabul kuni: Payshanba, 15:00 – 17:00

Qabulxona raqami: 71 244 32 87

Direktor birinchi o‘rinbosari

Saidjаnov Dilshod Madraximovich

Dilshod Saidjanov – 1982 yil 19 mart kuni Xorazm viloyati Urganch shahrida tug‘ilgan. Toshkent davlat sharqshunoslik instituti hamda O‘zbekiston Respublikasi Strategik tahlil va istiqbolni belgilash Oliy maktabini tamomlagan.

Mutaxassisligi bo‘yicha – xalqaro munosabatlar tarixi va nazariyasi, Tizimlashtirilgan tahlil va prognozlashtirish.

D. Saidjonov mehnat faoliyatini «Konditsioner» qo‘shma korxonasida kotib-referent, tarjimonlikdan boshlagan.

2005-2008yy. – O‘zbekiston Respublikasi Prezidenti huzuridagi strategik va mintaqalararo institutining direktor yordamchisi, axborot tahlil bo‘limida ilmiy xodim, katta ilmiy xodim, yetakchi ilmiy xodim.

2008-2009yy. – O‘zbekiston Respublikasi Prezidenti huzuridagi Milliy Xavfsizlik Kengashi devonining tashqi xavfsizlik masalalari bo‘yicha Guruhning amaliyotchisi.

2009-2014yy. – O‘zbekiston Respublikasi Prezidenti huzuridagi Milliy Xavfsizlik Kengashi devonining g‘oyaviy himoya masalalari bo‘yicha Guruhning yetakchi konsultanti.

2014-2017yy. – O‘zbekiston Respublikasi Prezidenti huzuridagi Milliy Xavfsizlik Kengashi devonining axborot-g‘oya sohasida tahdid va chaqiriqlarga qarshi kurash masalalari bo‘yicha Guruhning yetakchi inspektori

2017-2018 yy. – O‘zbekiston Respublikasi Prezidenti Matbuot xizmati huzuridagi Mediamarkaz yetakchi mutaxassisi

2018-2019 yy. – O‘zbekiston matbuot va axborot agentligida yetakchi mutaxassis

2019-yil fevral – O‘zbekiston Respublikasi Prezidenti Administratsiyasi huzuridagi Axborot va ommaviy kommunikasiyalar agentligining Axborot siyosati boshqarmasi boshlig‘i

2019-yil oktabr oyidan buyon O‘zbekiston Respublikasi Prezidenti Administratsiyasi huzuridagi Axborot va ommaviy kommunikasiyalar agentligi direktorining birinchi o‘rinbosari.

Rus va ingliz tillarini biladi.

Oilali, ikki nafar farzandi bor

Qabul kuni: Juma, 15:00 – 17:00

Qabulxona raqami: 71 244 23 80

Direktor o‘rinbosari

Bozorov Gayrat Nazarovich

Gʻayrat Bozorov 1984-yil 1-yanvar kuni Qashqadaryo viloyatida tugʻilgan. O‘zbekiston Davlat jahon tillari universitetini tamomlagan. Mutaxassisligi boʻyicha - xalqaro jurnalist.

Gʻ. Bozorov mehnat faoliyatini Oʻzbekiston matbuot va axborot agentligida boshlagan.

2007-2016yy. – Agentlikda mutaxassis, boʻlim boshligʻi, boshqarma boshligʻi kabi lavozimlarda faoliyat yuritgan.

2016-2018yy. – Oʻzbekiston matbuot va axborot agentligi tizimidagi “Oʻqituvchi” nashriyot-matbaa ijodiy uyi Davlat korxonasi Marketing boʻlimi boshligʻi lavozimiga tayinlangan.

2018-2019-yil mart oyiga qadar “Oʻqituvchi” nashriyot-matbaa ijodiy uyi direktorining nashriyot va marketing masalalari boʻyicha oʻrinbosari lavozimida ishlab kelgan.

Rus va ingliz tillarini biladi.

Oilali, uch nafar farzandi bor.

Qabul kuni: Seshanba, 15:00 – 17:00

Qabulxona raqami: 71 244 23 80

Matbuot kotibi, axborot siyosati boʻyicha maslahatchi

Karimova Nigora Lutfullaevna

Karimova Nigora 1985-yil 28-aprelda Toshkent shahrida tug‘ilgan.

Ma‘lumoti oliy. 2007- yilda Toshkent davlat sharqshunoslik institutining “Xalqaro munosabatlar” mutaxassisligini tamomlagan, 2011-yil Koreya taraqqiyot instituti Davlat siyosati va boshqaruvi maktabining (KDI School of Public Policy and Management, (Koreya Respublikasi) “Davlat siyosati va menejmenti” magistratura mutaxassisligini tamomlagan.

2006- yilda O‘zbekiston Respublikasi Tashqi ishlar vazirligi Davlat protokoli boshqarmasida amaliyotchi sifatida ish boshlab, 2008-2019- yillar davomida O‘zbekiston Respublikasi Tashqi ishlar vazirligining Davlat protokoli boshqarmasi, Madaniy-gumanitar hamkorlik boshqarmasi hamda Ko‘p tomonlama hamkorlik bosh boshqarmasida turli diplomatik lavozimlarda ishlagan.

2019-yildan – O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Xalqaro hamkorlik bo‘limi boshlig‘i.

2023-yil 1-martdan – O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi matbuot xizmati rahbari, direktorning axborot siyosati bo‘yicha maslahatchisi.

Oilali, ikki farzandi bor.

Agentlikning ijobiy imidjini shakllantirish va qo‘llab-quvvatlash, matbuot anjumanlari, brifinglar tashkil etish, ommaviy axborot vositalari uchun rasmiy xabarlar, press-relizlar va sharhlar matnlarini tayyorlash va yoritish, OAV faoliyatiga oid so‘rovlar bo‘yicha og‘zaki va yozma sharhlar tayyorlash; agentlikning veb-sayt, ijtimoiy tarmoqlardagi rasmiy sahifalaridagi ma‘lumotlarni yangilash.

Rahbariyat

Вид сайта

Размер шрифта