AOKAda korrupsiyaga qarshi kurashish bo‘yicha 2022-yilning 1-yarim yilligida amalga oshirilgan ishlar
Axborot va ommaviy kommunikatsiyalar agentligi markaziy
apparati, tizim tashkilotlari, hududiy boshqarmalarida korrupsiyaga qarshi
kurashish, uning oldini olish bo‘yicha tizimli ishlar amalga oshirilmoqda. Xususan,
mazkur ishlar doirasida joriy yilning olti oyi davomida Korrupsiyaga qarshi
chora-tadbirlar dasturi to‘liq bajarildi.
O‘zbekiston Respublikasi Prezidentining 2021-yil 6-iyuldagi “Korrupsiyaga
qarshi murosasiz munosabatda bo‘lish muhitini yaratish, davlat va jamiyat
boshqaruvida korrupsiyaviy omillarni keskin kamaytirish va bunda jamoatchilik
ishtirokini kengaytirish chora-tadbirlari to‘g‘risida”gi PF-6257-son
Farmoni ijrosini ta’minlash maqsadida Axborot va ommaviy kommunikatsiyalar
agentligining 2021-yil 8-iyuldagi “O‘zbekiston
Respublikasi Prezidentining Farmoni ijrosini
ta’minlash to‘g‘risida”gi 161-son
buyrug‘i imzolangan.
Shuningdek, ushbu Farmon bilan tasdiqlangan “Korrupsiyaga qarshi kurashish bo‘yicha 2021-2022-yillarga
mo‘ljallangan Davlat dasturi”da Agentlikka yuklatilgan vazifalar ijrosi
yuzasidan Chora-tadbirlar rejasi ishlab chiqilgan va ijroga qaratilgan.
Dasturning 37-bandiga asosan har yili “9-dekabr
— Xalqaro korrupsiyaga qarshi kurashish kuni” doirasida keng ko‘lamli
Antikorrupsiya haftaligini o‘tkazish maqsadida Korrupsiyaga qarshi kurashish
agentligi bilan hamkorlikda Media-reja ishlab chiqilib, tadbirni keng
jamoatchilikka etkazish bo‘yicha ishlar samarali amalga oshirilmoqda,
shuningdek, antikorrupsiya haftaligi doirasida tashkil etilgan tadbirlarda
Agentlik vakillarining faol ishtiroki ta’minlanmoqda.
O‘zbekiston Respublikasi Korrupsiyaga qarshi kurashish agentligi bilan
hamkorlikda “Davlat dasturining 41-,
42-bandida belgilangan “OAV va ijtimoiy tarmoqlarda turli formatlardagi
eshittirish, ko‘rsatuv, maqolalar va boshqa axborot materiallarini elon qilish
hamda tele va radiokanallarda turli formatlardagi ijtimoiy roliklar va
eshittirishlarni tayyorlash va namoyish etish bo‘yicha chora-tadbirlar rejasi”
ishlab chiqildi va hamkorlikda amalga oshirib kelinmoqda.
Ushbu dasturning 44-bandiga asosan “O‘zbekiston
Respublikasi Korrupsiyaga qarshi kurashish agentligi tomonidan korrupsiyaga oid
xabarlarni ko‘rib chiqish va jamoatchilikka ma’lumot berish tartibi
to‘g‘risida”gi Reglament O‘zbekiston Respublikasi Korrupsiyaga qarshi
kurashish agentligi bilan hamkorlikda ishlab chiqildi.
Bundan tashqari, O‘zbekiston Respublikasi Prezidenti huzuridagi Xavfsizlik
kengashining 2022-yil 16-fevraldagi tegishli topshirig‘iga asosan mamlakatda
korrupsiya darajasini baholash reytingi natijalarini shakllantirish maqsadida
Korrupsiyaga qarshi kurashish agentligiga hududlar va sohalar kesimida tahliliy
ma’lumotlar taqdim etib borilmoqda.
O‘zbekiston Respublikasi Prezidentining Farmon va Qarorlarida belgilangan vazifalar, shuningdek, O‘zbekiston Respublikasi
Korrupsiyaga qarshi kurashish Milliy kengashi topshiriqlari ijrosi yuzasidan Agentlikda tizimli ishlar olib borilmoqda.
Jumladan, O‘zbekiston
Respublikasi Prezidentining 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish
chora-tadbirlari to‘g‘risida”gi PQ-81-son Qarori ijrosini ta’minlash maqsadida Agentlikning 2022-yil 20-yanvardagi “O‘zbekiston
Respublikasi Prezidentining Qarori ijrosini ta’minlash to‘g‘risida”gi 13-son buyrug‘i tasdiqlandi. Ushbu buyruq ilovasi bilan Agentlikda
korrupsiyaga qarshi kurashish choralari (tadbirlari)ni, mas’ul xodimlarni,
amalga oshirish mexanizmi va muddatlarini o‘z ichiga belgilab olgan “O‘zbekiston Respublikasi Prezidenti Administratsiyasi huzuridagi
Axborot va ommaviy kommunikatsiyalar agentligining Korrupsiyaga qarshi kurashish bo‘yicha dasturi” tasdiqlandi va ijroga qaratildi.
Dasturga
ko‘ra, Agentlikda korrupsiya holatlarini barvaqt aniqlash va oldini olish,
ularning sabab va shart-sharoitlarini bartaraf etish, manfaatlar to‘qnashuviga
yo‘l qo‘ymaslik hamda korrupsiyaga nisbatan murosasiz munosabatni shakllantirish,
Agentlikning 2021-yil 4-noyabrdagi “O‘zbekiston Respublikasi Prezidenti
Administratsiyasi huzuridagi Axborot va ommaviy kommunikatsiyalar agentligining
korrupsiyaga qarshi kurashish bo‘yicha asosiy ichki idoraviy hujjatlarini
tasdiqlash to‘g‘risida”gi 255-son buyrug‘i bilan tartibga solib kelinmoqda.
O‘zbekiston Respublikasi Prezidentining 2022-yil 11-maydagi “Davlat boshqaruv sohasida korrupsiyaviy xavf-xatarlarni bartaraf etish
mexanizmlarini takomillashtirish va ushbu sohada jamoatchilik ishtirokini
kengaytirish chora-tadbirlari to‘g‘risida”gi PQ-240-son Qarorida
belgilangan vazifalar ijrosini ta’minlash maqsadida Agentlikning 2022-yil 18-maydagi
“O‘zbekiston Respublikasi Prezidentining Qarori ijrosini ta’minlash to‘g‘risida” 102-son buyrug‘i tasdiqlandi.
Unda Agentlik va uning tarkibiy tuzilmalarida korrupsiyaviy xavf-xatarlarni
majburiy aniqlash va baholashni yo‘lga qo‘yish hamda korrupsiyaviy
xavf-xatarlarni qonunchilik hujjatlarini takomillashtirish, inson omilini
qisqartirish va tegishli tartib-taomillar va funksiyalarni raqamlashtirish,
shaffoflikni ta’minlash, jamoatchilik nazoratini yo‘lga qo‘yish orqali bartaraf
etish belgilangan. Shuningdek, Agentlik va uning tarkibiy tuzilmalarida kadrlar
bilan ishlash yo‘nalishidagi byurokratik to‘siqlarni, korrupsiyaviy
xavf-xatarlar va inson omilini qisqartirishga qaratilgan avtomatlashtirilgan
tizimni joriy etish ko‘zda tutilgan.
Agentlikning “Korrupsiyaviy xavf-xatarlarni
baholash Uslubiyati” asosida Agentlik va uning tarkibiy
tuzilmalari faoliyatini kompleks tahlil
qilish orqali korrupsiyaviy xavf-xatarlarning birlashgan xaritasi, korrupsiya
xavf-xatariga eng ko‘p duch keladigan soha, lavozim va
ularning funksiyalari ro‘yxati hamda ushbu korrupsiyaviy
xavf-xatarlarni minimallashtirish bo‘yicha dastur ishlab chiqildi va ijroga qaratildi (Agentlikning 2022-yil 14-yanvardagi 22-190-son xat bilan Korrupsiyaga
qarshi kurashish agentligiga yuborilgan).
Shuningdek, Agentlik va uning tarkibiy tuzilmalarida Korrupsiya
xavf-xatariga ehtimoliy eng ko‘p moyil bo‘lgan lavozimlar ro‘yxati
shakllantirildi. Ushbu ro‘yxatga, Agentlikning markaziy apparatida:
Buxgalteriya hisobi bo‘limi, Reja-moliya bo‘limi, Ma’muriy xo‘jalik bo‘limi,
AKTni rivojlantirish bo‘limi, Axborot xizmatlari faoliyatini tashkil etish va
muvofiqlashtirish boshqarmasi, Kadrlar bo‘limi kiritilgan. Ommaviy
kommunikatsiyalar masalalari bo‘yicha markazda: Veb-saytlar monitoringi bo‘limi,
Teleradioeshittirishlarni monitoringi bo‘limi, Matbaa va kitob mahsulotlari
monitoringi bo‘limi, Davlat idoralari va tashkilotlari bilan hamkorlik qilish
bo‘limi, Texnik va texnologik rivojlantirish va ta’minot bo‘limi, Buxgalteriya
hisobi va iqtisodiyot bo‘limi, Xo‘jalik xizmat ko‘rsatish bo‘limi, Kadrlar
bo‘limi kiritilgan. A.Navoiy nomidagi O‘zbekiston milliy kutubxonasida:
Iqtisodiy tahlil va buxgalteriya hisobi xizmati, Xo‘jalik xizmati, Nashriyot
matbaa xizmati kiritilgan. “Ma’muriy binolardan foydalanish boshqarmasi” davlat
muassasasida: muassasa direktori, direktor o‘rinbosari, bosh hisobchi, hisobchi
kassir, xodimlar bo‘yicha inspektor, moliya ishlari bo‘yicha kichchik
mutaxassislar kiritilgan.
Axborot xizmati rahbarlarining ish
samaradorligini baholash yuzasidan murojaat kelib tushganligi va baholash
jarayonida korrupsiyaviy xavf-xatarlarning mavjudligi sababli, Agentlikning 2019-yil 26-avgustdagi 324-son
buyrug‘i (ro‘yxat raqami 3187, 2019-yil
3-oktyabr) (Qonun hujjatlari ma’lumotlari milliy bazasi, 03.10.2019-y.,
10/19/3187/3846-son) bilan tasdiqlangan Davlat organlari va tashkilotlari
axborot xizmati rahbarini lavozimga tayinlashni O‘zbekiston Respublikasi
Prezidenti Administratsiyasi huzuridagi Axborot va ommaviy kommunikatsiyalar
agentligi yoki uning hududiy boshqarmalari bilan kelishish, ularni
attestatsiyadan o‘tkazish hamda ish samaradorligini baholash tartibi
to‘g‘risidagi Nizomda korrupsiyaviy xavf-xatarni keltirib chiqaruvchi omillarni
bartaraf etish zarurati paydo bo‘ldi. Ushbu xavf-xatarni boshqarish maqsadida yuqorida ta’kidlab o‘tilgan Nizomga
o‘zgartirish va qo‘shimchalar kiritishni ko‘zda tutuvchi normativ-huquqiy
hujjat loyihasi Adliya vazirligiga kiritildi.
Agentlikda
manfaatlar to‘qnashuvini aniqlash, uning
oldini olish va tartibga solishning
tashkiliy-huquqiy asoslari “O‘zbekiston
Respublikasi Prezidenti Administratsiyasi huzuridagi Аxborot va ommaviy
kommunikasiyalar agentligi va uning tarkibiy tuzilmalari xodimlarida manfaatlar
to‘qnashuvini boshqarish bo‘yicha Nizomi”da belgilab qo‘yilgan.
Unga ko‘ra, Agentlik va uning
tarkibiy tuzilmalari xodimlari har yili (15-fevralga qadar
manfaatlar to‘qnashuvining mavjud/mavjud emasligi haqidagi arizani to‘liq va
to‘g‘ri to‘ldirib Kadrlar bo‘limiga taqdim etadi. Kadrlar bo‘limi arizalarni 10-martga
qadar ko‘rib chiqib Agentlik rahbariyatiga xulosa beradi) yoki paydo bo‘lishi bilan (shu jumladan ishga yangi qabul qilinganda) manfaatlar to‘qnashuvi yuzasidan deklaratsiya to‘ldirib kelishmoqda. Мanfaatlar to‘qnashuvi holatlari aniqlangan taqdirda, Odob-ahloq
komissiyasida uni bartaraf etish yuzasidan
choralar ko‘rish yo‘lga qo‘yilgan.
Xususan, Agentlik markaziy apparati va hududiy boshqarmalarida – 194 nafar
xodimdan 190 nafari, Ommaviy kommunikatsiyalar masalalari bo‘yicha markazda –
272 nafar xodimdan 265 nafari, A.Navoiy nomidagi O‘zbekiston milliy
kutubxonasida – 4431 nafar xodimdan 4392 nafari, “Ma’muriy binolardan
foydalanish boshqarmasi” davlat muassasasida – 40 nafar xodimdan 39 nafari deklaratsiyalash
jarayonidan o‘tkazilgan. Deklaratsiyalash jarayonida aniqlangan 4 ta holat (yaqin
qarindoshlarning biri ikkinchisiga bo‘ysinib yoki nazorati ostida ishlashi)
bo‘yicha ehtimoliy manfaatlar to‘qnashuvi tartibga solindi.
Shuningdek, manfaatlar to‘qnashuvi yuzasidan deklaratsiya to‘ldirish
birinchi marotaba amalga oshirilayotganligi sababli, ayrim tarkibiy
bo‘linmalarda ushbu jarayonga yuzaki qarash, ma’lumotlarni noxolis kiritish holatlari
kuzatildi.
Korrupsiyaga qarshi qoidalarni Agentlik shartnomalariga
kiritish yo‘nalishida ham samarali ishlar olib borilmoqda. Xususan, O‘zbekiston
Respublikasi Prezidentining 2021-yil 14-sentyabrdagi “Shartnomaviy munosabatlarni tubdan takomillashtirish chora-tadbirlari
to‘g‘risida”gi PF-6313-son Farmoni (3-bandi,
“v”-kichik bandi) ijrosini ta’minlash maqsadida 2022-yil 1-yanvardan
boshlab Agentlikning xarid jarayonlari doirasida shartnomaviy munosabatlarga
kirishishni rejalashtirayotgan har qanday yuridik yoki jismoniy shaxslar bilan
tuzilayotgan shartnomalarda majburiy ravishda
korrupsiyaga qarshi qo‘shimcha shartlar belgilanmoqda.
Bundan tashqari, Agentlikning 2022-yil 31-martdagi “Mehnat
shartnomasi va arizalarni namunaviy
shakllarini tasdiqlash hamda muhr
va shtamplardan foydalanishni yanada takomillashtirish to‘g‘risida” 64-son buyrug‘i
bilan Аgentlik va uning tarkibiy tuzilmalari xodimlari bilan
tuziladigan mehnat shartnomasining namunaviy shakli tasdiqlangan. Shartnomada xodimlarga korrupsiyaga qarshi qo‘shimcha
majburiyatlar ko‘rsatib o‘tilgan.
Agentlikda kontragentlarni tekshirish yo‘nalishida
tizimli ishlar yo‘lga qo‘yilgan. Bu jarayon “O‘zbekiston Respublikasi Prezidenti
Administratsiyasi huzuridagi Axborot va ommaviy kommunikatsiyalar agentligi va
uning tarkibiy tuzilmalarida kontragentlarni tekshirishga oid Yo‘riqnoma” talablari asosida
amalga oshirilmoqda. Agentlikning 2022-yil 20-yanvardagi 13-son buyrug‘i asosida kontragentlarni tekshirish vazifasi Agentlikning Ichki audit
xizmatiga topshirilgan.
O‘zbekiston Respublikasi Prezidentining 2022-yil 15-apreldagi “Byudjetlararo
munosabatlarni va soliq ma’muriyatchiligini yanada takomillashtirish
to‘g‘risida”gi PQ-208-son qarori ijrosini ta’minlash maqsadida Agentlikning 2022-yil
7-maydagi 98-son buyrug‘i tasdiqlangan. Unga ko‘ra, byudjetdan asosiy vositalarni
xarid qilish hamda bino va inshootlarni ta’mirlash bilan bog‘liq xarajatlar joriy yil yakuniga
qadar to‘xtatilgan va ushbu maqsadlar uchun joriy yilda rejalashtirilgan
mablag‘lar qisqartirilgan hamda 2023-yilga o‘tkazish choralari ko‘rilgan.
Axborot va ommaviy kommunikatsiyalar agentligida mavjud vakant lavozimlarga nomzodlarni tekshirish ochiq,
shaffof va qonuniylik tamoyili asosida tashkil etilgan. Xususan, Agentlik direktorining 2021-yil 8-iyuldagi “O‘zbekiston Respublikasi Prezidentining
Qarori ijrosini ta’minlash to‘g‘risida”gi 160-son buyrug‘i imzolangan bo‘lib, mazkur buyruq
bilan Agentlik nomenklaturasiga kiruvchi bo‘sh ish o‘rinlariga ishga qabul
qilishni ochiq tanlov asosida amalga oshirish hamda tanlov doirasida
o‘tkaziladigan sinov tadbirlarini Internet tarmog‘i orqali real vaqt rejimida
kuzatishni nazarda tutuvchi tartib joriy etilgan.
Shu asosda, Agentlik direktorining 2021-yil 7-sentyabrdagi “O‘zbekiston Respublikasi Prezidenti
Administratsiyasi huzuridagi Axborot va ommaviy kommunikatsiyalar agentligi
markaziy apparati hamda Qoraqalpog‘iston Respublikasi, viloyatlar va Toshkent
shahar boshqarmalarida xodimlarni vakant lavozimlarga ishga qabul qilish, xodimlarni
boshqa lavozimlarga o‘tkazishda tanlov asosida saralab olish Tartibini amalga kiritish
haqida”gi 213-son buyrug‘i tasdiqlandi va amalga kiritildi.
Shuningdek, Agentlikdagi vakant lavozimlarga nomzodlar orasidan yetarli
bilim va tajribaga ega, halol, puxta, xolis kadrlarni tanlov asosida saralab
olish va ular bilan mehnat munosabatlarini rasmiylashtirish maqsadida,
nomzodlarga nisbatan “Ishga qabul qilinayotgan nomzodlarni
tekshirish bo‘yicha Yo‘riqnoma” talablari asosida tekshiruv amalga oshirilmoqda. Agentlik rasmiy veb-saytida ishga qabul qilish,
rotatsiya to‘g‘risidagi e’lonlar va axborotlar doimiy ravishda berib borilmoqda.
O‘tgan hisobot davri mobaynida Agentlik nomenklaturasiga kiruvchi 6 nafar
nomzodni ishga qabul qilishdan oldin, ularga nisbatan Yo‘riqnoma talablari
asosida tegishli tekshiruv o‘tkazildi.
Agentlikda
korrupsiya holatlarini barvaqt aniqlash va oldini olish, ularning sabab va
shart-sharoitlarini bartaraf etish, manfaatlar to‘qnashuviga yo‘l qo‘ymaslik,
xodimlarda korrupsiyaga nisbatan murosasiz munosabatni shakllantirish Аgentlikning “O‘zbekiston Respublikasi Prezidenti Administratsiyasi
huzuridagi Axborot va ommaviy kommunikatsiyalar agentligi va uning tarkibiy
tuzilmalari xodimlarining etika va korrupsiyaga qarshi kurashish sohasida
o‘qitilishini tashkil qilish bo‘yicha Yo‘riqnoma”si talablari asosida amalga oshirilmoqda.
Agentlikning barcha xodimlari uchun korrupsiyaga qarshi umumiy o‘qitish
dasturi ishlab chiqilgan. Ushbu dastur 29.12.2021-yilda Agentlik direktori
tomonidan tasdiqlangan bo‘lib, dastur ijrosi ta’minlab kelinmoqda. Agentlik xodimlarini o‘qitish
ishlari mavzu yuzasidan qisqa ma’lumotlar yoki test savollari shaklida
Agentlikning telegram kanalida vaqti-vaqti bilan berib borilmoqda, shuningdek,
ayrim mavzular bo‘yicha trening va boshqa ko‘rinishdagi nazariy, amaliy mashg‘ulotlar
o‘tkazilmoqda.
Shuningdek, xodimlarning korrupsiyaga
qarshi kurashish borasida malaka va bilimlarini oshirish maqsadida Korrupsiyaga qarshi kurashish agentligi va
boshqa mutasaddi idoralardan mas’ul xodimlarni taklif qilgan holda mavzuga oid 2 ta seminar o‘tkazildi.
O‘zbekiston Respublikasi
Korrupsiyaga qarshi kurashish agentligi tomonidan joriy yil 28-29-mart kunlari “Davlat
organlari va tashkilotlarida korrupsiyaga qarshi kurashish ishlarining
samaradorligini reyting baxolash tizimini joriy etish” va 30-31-may kunlari “Korrupsiyaga
qarshi kurashishda ustuvor vazifalarni belgilash, mamlakatda korrupsiyaning
oldini olishning zamonaviy vositalarini joriy etish” mavzularidagi
seminar-treningda Agentlikning korrupsiyaga qarshi ichki (komplaens) nazorat tuzilmasi xodimlari ishtirok etib, tegishli sertifikatga ega bo‘lishdi.
Agentlikda korrupsiyaga qarshi kurashishga mas’ul
bo‘lgan 18 nafar xodim 2022-yil 20-30-iyun kunlari “halollik
vaksinasi” tamoyili asosida korrupsiyaga qarshi kurashish, manfaatlar
to‘qnashuvi va odob-axloq qoidalari bo‘yicha Bosh prokuratura Akademiyasida
tashkil etilgan onlayn maxsus o‘quv kursida qatnashdi.
Bundan tashqari, korrupsiyaga qarshi murosasiz kurashish borasidagi ishlarni
jamoatchilikka yetkazib borish hamda Korrupsiyaga qarshi kurashish
agentligining ommaviy axborot vositalari bilan samarali hamkorligini yo‘lga
qo‘yish borasidagi takliflar Korrupsiyaga qarshi kurashish agentligi bilan
birgalikda ishlab chiqilib, tasdiqlangan reja asosida yoritish tadbirlari
amalga oshirilmoqda. Korrupsiyaga qarshi kurashish sohasida huquq-tartibot organlari
tomonidan amalga oshirilayotgan chora-tadbirlarga doir materiallar hamda ushbu
mavzulardagi brifinglar va matbuot anjumanlari OAV va Agentlik rasmiy
veb-saytlari, telegram kanallarida muntazam yoritib borilmoqda.
Agentlikning 2021-yil 7-maydagi “O‘zbekiston
Respublikasi Prezidenti Administratsiyasi huzuridagi Axborot va ommaviy
kommunikatsiyalar agentligining davlat xizmatlarini ko‘rsatishda idoraviy aloqa
markazini “Call center” tashkil etish tartibini tasdiqlash to‘g‘risida”gi
110-son buyrug‘i asosida 1213 qisqa
raqamli “call center” va (71) 244 23 34 raqamli
“ishonch telefoni” tashkil etilgan
bo‘lib, aloqa kanallari orqali kelib tushgan xabarlar “O‘zbekiston Respublikasi Prezidenti
Administratsiyasi huzuridagi Axborot va ommaviy kommunikatsiyalar agentligi va
uning tarkibiy tuzilmalariga aloqa kanallari orqali korrupsiyaviy
xatti-harakatlar to‘g‘risida kelib tushgan xabarlarni qabul qilish va ko‘rib
chiqish Reglamenti” talablari asosida ko‘rib chiqilmoqda.
Hisobot davrida aloqa kanallari orqali xodimlarning
korrupsiyaviy xatti-xarakatlari, manfaatlar to‘qnashuvi, korrupsiyaga qarshi
boshqa qonunbuzarliklar bilan bog‘liq 3 ta (Farg‘ona
viloyati AOKB kotibasi to‘g‘risida, Farg‘ona viloyati AOKB boshlig‘i to‘g‘risida,
A.Navoiy nomidagi O‘zbekiston milliy kutubxonasi Surxondaryo viloyati
Jarqo‘rg‘on tumani AKM direktori to‘g‘risida) murojaat kelib tushgan. Kelib tushgan murojaatlarning 3 tasi manfaatlar
to‘qnashuvi va tartib-taomil buzilishiga aloqador hisoblanadi. Aloqa kanallari
kesimida olib qaralganda, murojaatlarning 2 tasi ishonch telefoni orqali, 1 tasi ijtimoiy
tarmoqlar orqali kelib tushgan.
Agentlik va tizim tashkilotlarida korrupsiyaga qarshi
kurashish bo‘yicha belgilangan tartib-taomillar va korrupsiyaga qarshi
kurashish bo‘yicha qabul qilingan ichki normativ hujjatlar bajarilishi “O‘zbekiston
Respublikasi Prezidenti Administratsiyasi huzuridagi Axborot va ommaviy
kommunikatsiyalar agentligi va uning tarkibiy tuzilmalarida Korrupsiyaga qarshi
tartib-taomillarning samaradorligini monitoring va nazorat qilish Uslubiyoti” talablari asosida
amalga oshirilmoqda.
Xususan, Agentlik va uning tizim tashkilotlaridagi korrupsiyaga qarshi talablar va tamoyillarga rioya
qilinishi yuzasidan tegishli o‘rganishlar
o‘tkazish joriy yilning fevral oyida chek-list to‘ldirish orqali, may va
iyun oylarida esa joylarga chiqqan holda amalga oshirildi.
Aniqlangan qoidabuzarliklar va qo‘llanilgan ta’sir
choralari xususida. Joriy yil yanvar oyida Farg‘ona viloyati AOKB kotibasi to‘g‘risida
yo‘llangan murojaat o‘rganib chiqildi. Unga ko‘ra, kotiba kasbiy odob-axloq
qoidalariga rioya qilmay, o‘zining shaxsiy manfaatini ko‘zlab (moddiy
imtiyozga ega bo‘lish maqsadida) xizmat vazifasini suiste’mol qilganligi
aniqlandi. Shu munosabat bilan kotibaga Farg‘ona AOKBning 2022-yil 8-yanvardagi
K-1-son buyrug‘i bilan “Hayfsan” intizomiy jazo chorasi qo‘llanilgan.
Shuningdek, 2022-yil mart oyida A.Navoiy nomidagi
O‘zbekiston milliy kutubxonasi Surxondaryo viloyati Jarqo‘rg‘on tumani AKM
rahbari to‘g‘risidagi murojaat o‘rganib chiqildi. O‘rganish natijasida, AKM
rahbarining o‘z mansab vakolatini suiste’mol qilgan holda, ishga qabul
qilinayotgan nomzodlar va ishlayotgan xodimlardan moddiy mablag‘ ta’magirlik
qilayotganligi hamda yaqin qarindoshini (opasi)
o‘zining to‘g‘ridan-to‘g‘ri bo‘ysinuviga (rahbar
o‘rinbosari lavozimiga) ishga olganligi aniqlandi. O‘rganish natijasiga
ko‘ra, AKM rahbari egallab turgan lavozimidan ozod etilib, to‘plangan
materiallar belgilangan tartibda ko‘rib chiqish uchun Surxondaryo viloyat
prokuraturasiga yuborildi.
Aniqlangan qoidabuzarliklar tahliliga ko‘ra, хodimlarning korrupsiyaga qarshi kurashishga oid
ichki tartib-taomillardan to‘liq xabardor
emasligi sababli, ushbu sohada ularning bilim va ko‘nikmalarini oshirish borish maqsadida xodimlar muntazam ravishda korrupsiyaga qarshi kurashish bo‘yicha ichki idoraviy hujjatlar bilan tanishtirib borilmoqda.
Agentlik tomonidan jamiyatda korrupsiyaning har
qanday ko‘rinishiga nisbatan murosasiz munosabatni shakllantirish, xodimlarda
korrupsiyaga qarshi kurashish bo‘yicha faol dunyoqarash va mustahkam fuqarolik
nuqtai nazarini yuksaltiradigan chora-tadbirlar, shuningdek, korrupsiyaga
qarshi kurashish siyosatining maqsadi, vazifalari va natijalari haqida tezkor,
xolis va to‘liq axborot yetkazish yuzasidan keng qamrovli ishlar davom
ettirilmoqda.