“Маҳалла – беш ташаббус бешиги” республика кўрик танлови ғолиблари тақдирланди

Бугун Туркистон санъат саройида Олий Мажлис Сенатининг “Маҳалла – беш ташаббус бешиги” республика кўрик танловининг тақдирлаш маросими бўлиб ўтди.

Тадбирда Президент Ш. Мирзиёев томонидан илгари сурилган бешта муҳим ташаббус йўналишларида республика миқёсида  кенг кўламда иш олиб борган энг фаол маҳаллалар тақдирланди.

Финал босқичида эса 14 та ҳудуддан йўлланмани қўлга киритган 14та маҳалла, 300 нафардан ортиқ ёшлар иштирок этди.

Маросимда Сенат раиси Танзила Норбоева сўзга чиқди ва финал босқичга етиб келган барча иштирокчиларни муборакбод этди.

- Сўнгги йилларда “Обод маҳалла”, “Обод қишлоқ” дастурларининг изчиллик билан амалга оширилиши маҳаллаларимизнинг қиёфасини тубдан ўзгартирди. 

Давлатимиз Марказий Осиёдаги энг катта ва ёшлардан иборат мамлакат ҳисобланади. Эрта-индин бутун келажагимизни шу ёшлар қўлига топширишимиз керак бўлади. Келажагимизни жисмонан соғлом, ақлан етук, ёшлигида ҳар томонлама камол топтирган ёшларимиз қўлига ишонамиз. Шунга кўра "Беш ташаббус" ғояси маҳаллаларда амалга оширилиши ва ҳар бир хонадонга кириб бориши тўғрисида Президентимизнинг алоҳида топшириқлари бор", дея таъкидлади Т. Нарбаева ўз нутқида.

Тақдирлаш маросимида АОКА директори А. Ходжаев ҳам иштирок этди ва ахборот технологиялари йўналишидаги ўқув курслари учун сертификат ҳамда электрон китобларни бир қатор ғолибларга тантанали топширди.

Ғолиб маҳаллаларга I, II, III даражали дипломлар ва Ўзбекистон Республикаси Олий Мажлис Сенати ҳамда ҳомийларнинг қимматбаҳо совғалари топширилди.