ОАВда гендер тенглиги билан боғлиқ контент-таҳлил кўникмаларини шакллантириш бўйича тренинг ташкил этилди

Ахборот ва оммавий коммуникациялар агентлиги ходимлари учун Масс-медиа фонди томонидан уч кунлик тренинг ташкил этилди. 

Тадбирдан кўзланган асосий мақсад — халқаро ва миллий экспертлар ёрдамида республика ОАВ контентининг гендер тенглиги билан боғлиқ ахборотларни мониторинг ва таҳлил қилиш кўникмаларини шакллантириш.

Семинар доирасида медиатренер Саида Сулаймонова, гендер масалалари бўйича эксперт Фарзона Ҳошимова, «Equality Now» компаниясининг Марказий Осиё ва Россия бўйича маслаҳатчиси Жаннет Ахилгова ва бошқалар гендер тенглиги билан боғлиқ масалалар юзасидан ўз тажрибалари билан ўртоқлашмоқда.

Тренинг якунида таҳлил натижалари асосида медиа учун қўлланма тузилади. Унда йўл қўйилган асосий хатолар ва жамиятда ўрнашиб қолган стереотиплар, шунингдек, бундай ҳолатлар билан курашиш усуллари бўйича тавсиялар акс этади.