АОКАда Американинг йирик нашри - The WaII Street Journal вакиллари билан учрашув бўлди

Бугун Агентлик директори ва бошқа мутасадди ходимларнинг АҚШнинг энг йирик ва нуфузли нашрларидан бири – "The WaII Street Journal" директори ва Германия, Австрия, Шимолий, Марказий ва Шарқий Европа ҳамда Марказий Осиё мамлакатларидаги мижозлар билан ишлаш бўйича минтақавий раҳбари Дениз Метс билан учрашуви бўлиб ўтди.

Учрашув Америка нашри вакилларининг таклифига биноан ташкил этилган бўлиб, унда Ўзбекистоннинг иқтисодий-ижтимоий, сиёсий, ахборий салоҳиятини The Wall Street Journal & Barron's Group компанияси орқали АҚШ ва бошқа давлатларда ёритиш масалалари атрофлича муҳокама қилинди.

Ўз навбатида, АОКА директори А.Ходжаев Агентлик иш фаолиятининг асосий йўналишларидан бири хорижда Ўзбекистоннинг ижобий имиджини шакллантириш ва тарғиб этиш эканлигини инобатга олган ҳолда, "The WaII Street Journal" нашри билан ҳамкорлик қилишдан ҳар икки томон ҳам манфаатдор эканлигини ҳамда билдирилган таклиф ва мулоҳазаларни ўрганиб чиқилишини таъкидлади.