Ахборот хизмати раҳбарлари фаолияти самарадорлиги натижалари

25.04.2025, 17:27

Ахборот ва оммавий коммуникациялар агентлиги томонидан 2024 йил декабрь ойига қадар фаолият юритиб келган республика даражасидаги давлат органлари ва ташкилотлари, маҳаллий давлат ҳокимияти органларининг 150 нафар матбуот котиблари иш самарадорлиги баҳоланди. Бу Очиқлик индексининг биринчи индикатори ҳисобланади.

Ўрганиш Ўзбекистон Республикаси Президентининг 2019 йил 27 июндаги “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги қарорига асосан амалга оширилди. Мазкур ҳужжатда Ахборот ва оммавий коммуникациялар агентлигига ахборот хизмати раҳбарлари фаолияти самарадорлигини баҳолаш ва уларнинг рейтингини эълон қилиб бориш вазифаси юкланган.

Шунга асосан 2019 йил 3 октябрда “Давлат органлари ва ташкилотлари ахборот хизмати раҳбарини лавозимга тайинлашни Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги ёки унинг ҳудудий бошқармалари билан келишиш, уларни аттестациядан ўтказиш ҳамда иш самарадорлигини баҳолаш тартиби тўғрисида”ги низом Адлия вазирлигида 3187-рақам билан рўйхатдан ўтказилган.

Ушбу ҳужжатга кўра, Агентлик олти йилдан буён

- давлат органлари ва ташкилотлари раҳбарлари матбуот котибларининг жамоатчиликка Ўзбекистон Республикасининг қонунлари, Ўзбекистон Республикаси Президенти қарор ва топшириқларининг ижроси;

- олиб борилаётган ислоҳотларнинг мақсад ва вазифалари ҳақида тезкор, холис ҳамда биринчи манбаа сифатида тўлиқ ахборот етказиш;

- жамоатчилик ва оммавий ахборот воситалари билан фаол мулоқот ўрнатиш;

- эълон қилинаётган танқидий материалларга ўз вақтида ва сифатли муносабат билдириш борасидаги фаолиятини ўрганиб, баҳолаб келмоқда.

Айнан ушбу баҳолаш меъзонлари 2022 йилнинг 14 июнидан бошлаб Очиқлик индексининг субиндикаторлари сифатида давлат органлари ва ташкилотларини баҳолашда ҳам фойдаланиб келинмоқда.

Мазкур субиндикаторлар матбуот котиблари фаолиятини баҳолаш билан бир қаторда соҳа ривожига ҳам ижобий таъсир кўрсатганини эътироф этиш лозим.

Хусусан, кундалик ахборот оқимида ахборот хизматларининг улуши сезиларли даражада ортган. Масалан, расмий ахборот тарқатиш манбалари 2019 йилда 559 та бўлган бўлса, 2024 йил ҳолатига бу кўрсаткич 4 мингтадан ошди. Бугунги кунда миллий ахборот маконидаги маълумотларнинг 60-70 фоизи бевосита ахборот хизматлари ҳиссасига тўғри келади.

Бу эса жараёнлар бевосита бир-бири билан чамбарчас боғлиқ эканини кўрсатади. Хусусан, юқоридаги мезонлар асосида фаолият юритган матбуот котиби рейтингдаги ўрнини яхшилаш билан бир қаторда, ўзи фаолият юритаётган давлат идорасининг очиқлигини таъминлаш, ахборот маконини сифатли маълумот билан тўлдириш ҳамда турли танқидий материалларга ўз вақтида муносабат билдириши, шунингдек, давлат идораси раҳбарининг ОАВ вакиллари қаршисида ҳисобот беришини ташкил қилиш орқали ушбу ташкилотга нисбатан жамоатчилик ишончининг ортишига ҳам эришади.

2024 йил якунлари бўйича Агентлик томонидан баҳоланган жами 150 та ташкилот ва идоранинг 45 нафар матбуот котиби (30%)нинг иш натижалари юқори, 59 нафари (39,4%)ники ўрта даражада баҳоланган бўлса, 38 нафари (25,4%)ники қониқарли, 8 нафари (5,2%)нинг фаолияти паст даражада, деб топилди

2019 йилдаги биринчи баҳолаш билан солиштирганда матбуот котибларининг фаолияти самарадорлигида жиддий ўсиш кузатиб келинмоқда. Масалан, юқори даражада баҳоланган матбуот котиблари улуши 8,8 дан 30 фоизгача, сон жиҳатдан эса 3,9 баробар ўсган.

Бу ўсишда соҳада амалга оширилган қатор ислоҳотларнинг ўрни катта. Хусусан, бугунги кунда Агентлик томонидан матбуот котибларининг малакасини ошириб бориш, уларда замонавий тенденциялар, ижтимоий тармоқлар билан ишлаш кўникмаларини кенгайтириш, сунъий идрок ва бошқа янгиликларни ўз фаолиятига тадбиқ қилиш бўйича курслар, ўқув-семинарлари ташкил этиб келинмоқда.

Жумладан, Агентлик томонидан 2024 йил давомида умумий 54 та ўқув-тренинг тадбирлари ўтказилиб, уларда 1850 нафардан ортиқ ахборот хизмати ходимлари қамраб олинган.

Бундан ташқари, соҳада халқаро ҳамкорликни кенгайтириш мақсадида ўтган йили тарихда биринчи марта Туркий давлатлар ташкилотига аъзо мамлакатлар ахборот хизматлари раҳбарлари учун Ўзбекистонда қўшма ўқув семинари ташкил қилиниб, уларга Ўзбекистон тажрибаси ўқитилди. Ўзбекистон-Озарбайжон медиа-форумида эса Озарбайжонлик матбуот котиблари мамлакатимиздаги вазирлик ва идоралар матбуот котиблари фаолияти билан таништирилди.

Буларнинг барчаси ахборот хизматлари фаолиятини ривожлантиришда ўз таъсирини кўрсатиб келмоқда.

Баҳолаш натижаларига кўра:

марказий ташкилотлар йўналишида Президент ҳузуридаги Давлат хизматини ривожлантириш агентлиги, Марказий банк, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Марказий сайлов комиссияси, Олий суд;

вазирликлар йўналишида Олий таълим, фан ва инновациялар, Мактабгача ва мактаб таълими, Қурилиш ва уй-жой коммунал хўжалиги, Рақамли технологиялар, Соғлиқни сақлаш, Тоғ-кон саноати ва геология, Ички ишлар, Фавқулодда вазиятлар, Энергетика вазирликлари;

Қўмиталар йўналишида Солиқ, Божхона, Рақобатни ривожлантириш ва истеъмолчилар ҳуқуқларини ҳимоя қилиш, Санитария-эпидемиологик осойишталик ва жамоат саломатлиги, Миллий статистика, Миллий олимпия қўмитаси;

агентликлар йўналишида “Ўзархив”, Ёшлар ишлари, Коррупцияга қарши курашиш, Ихтисослаштирилган таълим муассасалари, Кадастр, Техник жиҳатдан тартибга солиш агентликлари;

Инспекциялар йўналишида Транспорт назорати инспекцияси;

акциядорлик жамиятлари ва компаниялар йўналишида “Ўзсувтаъминот” АЖ, “Олмалиқ кон-металлургия комбинати” АЖ, “Ўзбекнефтегаз” АЖ, Навоий кон-металлургия комбинати, “Ўзбекистон темир йўллари” АЖ, “Ҳудудий электр тармоқлари” АЖ, “Ўзбектелеком” АК, “Uzbekistan Airways” АЖ, “Иссиқлик электр станциялари” АЖ, “Ўзбекистон республика товар-хомашё биржаси” АЖ;

уюшмалар йўналишида “Ўзсаноатқурилишматериаллари” уюшмаси;

маҳаллий давлат ҳокимияти органлари йўналишида Самарқанд, Тошкент, Бухоро, Навоий, Хоразм, Жиззах, Сурхондарё вилояти ҳокимликлари юқори натижа кўрсатишган.

Мазкур ташкилотлар ахборот хизматлари томонидан матбуот тадбирларини ўз вақтида ва сифатли ташкил қилиш;

ахборотни замонавий формат, онлайн ва кенг қамровли усулда оммавий ахборот воситалари (радио/телевидение, газета, ижтимоий тармоқлар, мобил мессенжерлар ва веб-сайтлар) орқали фойдаланувчиларга инфографика, фото, аудио, видео ва матн шаклларида, муайян белгиланган вақт оралиғида етказиб бериш;

- ижтимоий тармоқларда мавзуга алоқадор воқеа-ҳодисаларга тезкор муносабат билдириш ва ўз расмий саҳифларида ёритиш;

- ташкилот ва у билан боғлиқ жараёнларни аҳолига етказишда видео ва матн шаклидаги баёнотлар билан чиқишлар қилиш;

- хорижий оммавий ахборот воситаларида Ўзбекистоннинг соҳага доир имижини оширишга қаратилган материалларни кенг эълон қилиб боргани аниқланди.

Мисол учун, Бизнес-омбудсман ахборот хизмати томонидан, тадбиркорлик билан боғлиқ қонунчиликдаги янгиликлар ОАВ ва ижтимоий тармоқларда яхши тушунтириляпти, Рақамли технологиялари вазирлиги томонидан мамлакатимизда соҳада амалга оширилаётган ислоҳотлар хорижда ҳам кенг тарғиб қилинмоқда ва ўтган йилда хорижий нашрларда бир минг беш юздан ортиқ материал эълон қилинган.

Давлат органлари ва ташкилотлари ахборот хизмати раҳбарлари иш самарадорлигини баҳолашнинг тавсиявий

НАТИЖАЛАРИ

2024 йил якунлари бўйича

	Ташкилот номи	2024 йил	2023 йилга нисбатан	Даража
Марказий ташкилотлар
1.	Давлат хизматини ривожлантириш агентлиги	90,0	-0,5	Юқори даражада
2.	Марказий сайлов комиссияси	88,0	+0,85	Юқори даражада
3.	Марказий банк	87,5	-1,0	Юқори даражада
4.	Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил	87,0	+10,05	Юқори даражада
5.	Олий суд	86,0	-0,3	Юқори даражада
6.	Бош прократура	83,0	0	Ўрта даражада
7.	Миллий гвардия	82,0	-0,2	Ўрта даражада
8.	Олий Мажлиснинг Инсон ҳуқуқлари бўйича вакили (Омбудсман)	82,0	-1,65	Ўрта даражада
9.	Судьялар олий кенгаши	81,0	-4	Ўрта даражада
10.	Ижтимоий ҳимоя миллий агентлиги	80,0	-	Ўрта даражада
Вазирликлар
1.	Олий таълим, фан ва инновациялар вазирлиги	91,0	+2	Юқори даражада
2.	Мактабгача ва мактаб таълими вазирлиги	89,0	+0,5	Юқори даражада
3.	Қурилиш ва уй-жой коммунал хўжалиги вазирлиги	88,0	+2,4	Юқори даражада
4.	Рақамли технологиялар вазирлиги	87,5	-1	Юқори даражада
5.	Соғлиқни сақлаш вазирлиги	87,0	-0,5	Юқори даражада
6.	Ички ишлар вазирлиги	86,0	-0,5	Юқори даражада
7.	Тоғ-кон саноати ва геология вазирлиги	86,0	+4	Юқори даражада
8.	Фавқулодда вазиятлар вазирлиги	86,0	-0,5	Юқори даражада
9.	Энергетика вазирлиги	86,0	+2	Юқори даражада
10.	Мудофаа вазирлиги	84,5	+2	Ўрта даражада
11.	Спорт вазирлиги	83.3	-	Ўрта даражада
12.	Маданият вазирлиги	83,0	+23,9	Ўрта даражада
13.	Ташқи ишлар вазирлиги	81,5	+4,35	Ўрта даражада
14.	Экология вазирлиги	81,3	+2,15	Ўрта даражада
15.	Транспорт вазирлиги	76,0	-10	Ўрта даражада
16.	Адлия вазирлиги	74,0	-13	Ўрта даражада
17.	Сув хўжалиги вазирлиги	74,0	-3,6	Ўрта даражада
18.	Қишлоқ хўжалиги вазирлиги	74,0	+36	Ўрта даражада
19.	Камбағалликни қисқартириш ва бандлик вазирлиги	69,3	-6,75	Қониқарли даражада
20.	Иқтисодиёт ва молия вазирлиги	69,0	-3,8	Қониқарли даражада
21.	Инвестициялар, саноат ва савдо вазирлиги	65,0	-1,45	Қониқарли даражада
Қўмиталар
1.	Солиқ қўмитаси	91,0	+4,95	Юқори даражада
2.	Божхона қўмитаси	89,6	+2,15	Юқори даражада
3.	Рақобатни ривожлантириш ва истеъмолчилар ҳуқуқларини ҳимоя қилиш қўмитаси	89,0	+12,1	Юқори даражада
4.	Санитария-эпидемиологик осойишталик ва жамоат саломатлиги қўмитаси	87,3	+4,05	Юқори даражада
5.	Миллий статистика қўмитаси	86,0	-	Юқори даражада
6.	Миллий олимпия қўмитаси	86,0	-2,5	Юқори даражада
7.	Оила ва хотин қизлар қўмитаси	83,5	-0,9	Ўрта даражада
8.	Автомобиль йўллари қўмитаси	83,0	+22,75	Ўрта даражада
9.	Дин ишлари бўйича қўмита	76,0	+5,25	Ўрта даражада
10.	Миллатлараро муносабатлар ва хорижий мамлакатлар билан дўстлик алоқалари қўмитаси	66,8	+3,25	Қониқарли даражада
11.	Туризм қўмитаси	66,0	-7,5	Қониқарли даражада
12.	Ветеринария ва чорвачиликни ривожлантириш қўмитаси	64,8	+6,05	Қониқарли даражада
13.	Саноат, радиация ва ядро хавфсизлиги қўмитаси	63,1		Қониқарли даражада
Агентликлар
1.	“Ўзархив” агентлиги	90,0	+0,4	Юқори даражада
2.	Ёшлар ишлари агентлиги	88,2	+1,95	Юқори даражада
3.	Коррупцияга қарши курашиш агентлиги	88,1	+9,4	Юқори даражада
4.	Ихтисослаштирилган таълим муассасалари агентлги	87,0	+0,2	Юқори даражада
5.	Кадастр агентлиги	86,8	+0,25	Юқори даражада
6.	Техник жиҳатдан тартибга солиш агентлиги	86,0	+8,1	Юқори даражада
7.	Истиқболли лойихалар миллий агентлиги	80,6	+14,8	Ўрта даражада
8.	Чиқиндиларни бошқариш ва циркуляр иқтисодиётни ривожлантириш агентлиги	79,9	-	Ўрта даражада
9.	Ўсимликлар карантини ва ҳимояси агенлиги	75,5	+3,5	Ўрта даражада
10.	Кинематография агентлиги	75,0	-6	Ўрта даражада
11.	Фармацевтика тармоғини ривожлантириш агентлиги	75,0	+4,1	Ўрта даражада
12.	Энергетика бозорини ривожлантириш ва тартибга солиш агентлиги	73,0	-	Ўрта даражада
13.	Маданий мерос агентлиги	72,0	-11,3	Ўрта даражада
14.	Ташқи меҳнат миграцияси агентлиги	72,0	-9,55	Ўрта даражада
15.	Миллий антидопинг агентлиги	71,6	-1,6	Қониқарли даражада
16.	Инновацион ривожланиш агентлиги	69,3	-7	Қониқарли даражада
17.	Давлат активларини бошқариш агентлиги	69,0	-9,45	Қониқарли даражада
18.	Гидрометеорология хизмати агентлиги	67,0	+0,35	Қониқарли даражада
19.	Ўрмон хўжалиги агентлиги	60,0	-	Қониқарли даражада
Инспекциялар
1.	Транспорт назорати инспекцияси	86,1	-	Юқори даражада
2.	Ахборотлаштириш ва телекоммуникациялар соҳасида назорат бўйича давлат инспекцияси	72,9	+10,6	Ўрта даражада
3.	Электр энергияси, нефть маҳсулотлари ва газдан фойдаланишни назорат қилиш инспекцияси	71,5	+7,9	Қониқарли даражада
4.	Агросаноат мажмуи устидан назорат қилиш инспекцияси	68,0	-13,35	Қониқарли даражада
5.	Алкоголь ва тамаки бозорини тартибга солиш инспекцияси	57,0	-	Қониқарли даражада
Марказлар
1.	Республика маънавият ва маърифат маркази	81,5	+8	Ўрта даражада
2.	Инсон ҳуқуқлари бўйича Ўзбекистон Республикаси Миллий маркази	76,8	-0,05	Ўрта даражада
3.	Фармацевтика маҳсулотлари хавфсизлиги маркази	73,0	+3	Ўрта даражада
4.	Имом Бухорий халқаро илмий-тадқиқот маркази	72,0	+9,75	Ўрта даражада
5.	Қишлоқ хўжалигида билим ва инновациялар миллий маркази	71,0	-	Қониқарли даражада
6.	Давлат экологик экспертизаси маркази	70,0	-	Қониқарли даражада
7.	Х. Сулаймонова номидаги Республика суд экспертизаси маркази	69,3	+8,5	Қониқарли даражада
Банклар
1.	“Ўзсаноатқурилишбанк” АТБ	82,3	+5,95	Ўрта даражада
2.	АТБ “Бизнесни ривожлантириш банки” (ҚҚБ)	82,0	+3,4	Ўрта даражада
3.	АТБ “Микрокредитбанк”	78,8	+6,7	Ўрта даражада
4.	“Ўзмиллийбанк” АЖ	75,0	+2,8	Ўрта даражада
5.	АТБ “Алоқабанк”	75,0	+2,9	Ўрта даражада
6.	АТ “Халқ банки”	72,0	3,5	Ўрта даражада
7.	АТБ “Агробанк”	71,8	+0,1	Қониқарли даражада
8.	“Асакабанк” АЖ	63,1	+7,3	Қониқарли даражада
9.	“Туронбанк” АТБ	59,0	-12,6	Қониқарли даражада
Акциядорлик жамиятлари ва компаниялар
1.	“Ўзсувтаъминот” АЖ	92,6	+0,65	Юқори даражада
2.	“Олмалиқ кон-металлургия комбинати” АЖ	87,8	+1,5	Юқори даражада
3.	“Ўзбекнефтегаз” АЖ	87,0	+6,35	Юқори даражада
4.	Навоий кон-металлургия комбинати	87,0	+3,55	Юқори даражада
5.	“Ўзбекистон темир йўллари” АЖ	86,6	+5	Юқори даражада
6.	“Ҳудудий электр тармоқлари” АЖ	86,5	+6,5	Юқори даражада
7.	“Ўзбектелеком” АК	86,5	+11,65	Юқори даражада
8.	“Uzbekistan Airways” АЖ	86,0	-	Юқори даражада
9.	“Иссиқлик электр станциялари” АЖ	86,0	+1,75	Юқори даражада
10.	“Ўзбекистон республика товар-хомашё биржаси” АЖ	86,0	+6,7	Юқори даражада
11.	“Ҳудудгазтаъминот” АЖ	84,0	-2,85	Ўрта даражада
12.	“Ўзбекистон миллий электр тармоқлари” АЖ	82,5	+8,05	Ўрта даражада
13.	“Ўзбекгидроэнерго” АЖ	82,1	+1,1	Ўрта даражада
14.	“Дори-Дармон” акциядорлик компанияси	82,0	+22,05	Ўрта даражада
15.	“Ўзагролизинг” АЖ	79,0	+10,4	Ўрта даражада
16.	“Ўзавтосаноат” АЖ	78,0	+21,6	Ўрта даражада
17.	“Uzbekistan Airports” АЖ	77,0	+7,2	Ўрта даражада
18.	“Ўзтрансгаз” АЖ	76,0	+11,8	Ўрта даражада
19.	“Ўзбеккўмир” АЖ	72,5	+1	Ўрта даражада
20.	“Ўзкимёсаноат” АЖ	69,0	+2,15	Қониқарли даражада
21.	“Ўзметкомбинат” АЖ	68,4	+6,85	Қониқарли даражада
22.	“Ўзбек геология қидирув” АЖ	63,-3		Қониқарли даражада
23.	“Тошшаҳартрансхизмат”АЖ	61,4	-	Қониқарли даражада
24.	“Ўзбекинвест” ЭИСК	60,0	-6,85	Қониқарли даражада
25.	“Ўзагросуғурта” АЖ	58,6	+1,8	Қониқарли даражада
26.	“Тадбиркорликни ривожлантириш компанияси” АЖ	56,6	-	Қониқарли даражада
27.	“Навоийуран” АЖ	50,0	-	Паст даража
28.	“Ўзбекгеофизика” АЖ	42,0	-	Паст даража
29.	“Ўзэнергосотиш” АЖ	40,0	-	Паст даража
Уюшмалар
1.	“Ўзсаноатқурилишматериаллари” уюшмаси	86,0	+6,9	Юқори даражада
2.	"Ҳунарманд" уюшмаси	84,0	+9,65	Ўрта даражада
3.	Банклар Ассоцацияси	82,6	-	Ўрта даражада
4.	Ўзбекистон Ёзувчилар уюшмаси	79,5	+11	Ўрта даражада
5.	“Ўзэлтехсаноат” уюшмаси	79,0	+6	Ўрта даражада
6.	Ўзбекистон маҳаллалари уюшмаси	66,0	-	Қониқарли даражада
7.	“Ўзчармсаноат” уюшмаси	65,1	+0,7	Қониқарли даражада
8.	“Ўзбекбалиқсаноат” уюшмаси	64,0	+1,4	Қониқарли даражада
9.	“Ўзбекзаргарсаноат” уюшмаси	43,0	-8,9	Паст даража
10.	“Яйлов хўжалигини ривожлантириш” уюшмаси	41,0	-14	Паст даража
11.	“Ўзбекипаксаноат” уюшмаси	41,0	-	Паст даража
Бошқа ташкилотлар
1.	Бадиий академия	82,0	+6,4	Ўрта даражада
2.	Кадастрлар палатаси	79,0	+7,7	Ўрта даражада
3.	Мажбурий ижро бюроси	77,0	-6,25	Ўрта даражада
4.	Иқтисодий жиноятларга қарши курашиш департаменти	77,0	+0,1	Ўрта даражада
5.	Фанлар академияси	72,5	-8,35	Ўрта даражада
6.	Ўзбекистон мусулмонлар идораси	68,3	-	Қониқарли даражада
7.	“НКМК” жамғармаси	62,8	-	Қониқарли даражада
8.	Ҳуқуқни муҳофаза қилиш академияси	62,1	-	Қониқарли даражада
9.	Оила ва гендер илмий-тадқиқот институти	57,0	-22,8	Қониқарли даражада
10.	Олий аттестация комиссияси	56,0	-	Қониқарли даражада
11.	“Эл-юрт умиди” жамғармаси	52,5	-	Паст даража
12.	Ўзбекконцерт	50,0	-	Паст даража
Маҳаллий давлат ҳокимияти органлари
1.	Самарқанд вилояти ҳокимлиги	94,5	+3,8	Юқори даражада
2.	Тошкент вилояти ҳокимлиги	89,5	-1,1	Юқори даражада
3.	Бухоро вилояти ҳокимлиги	88,6	-2	Юқори даражада
4.	Навоий вилояти ҳокимлиги	88,6	+17,7	Юқори даражада
5.	Хоразм вилояти ҳокимлиги	87,7	+0,2	Юқори даражада
6.	Жиззах вилояти ҳокимлиги	87,5	0	Юқори даражада
7.	Сурхондарё вилояти ҳокимлиги	86,9	+0,8	Юқори даражада
8.	Қорақалпоғистон Республикаси Вазирлар Кенгаши	83,6	+2,6	Ўрта даражада
9.	Фарғона вилояти ҳокимлиги	80,9	-0,1	Ўрта даражада
10.	Қашқадарё вилояти ҳокимлиги	80,7	-3,2	Ўрта даражада
11.	Сирдарё вилояти ҳокимлиги	79,0	+0,5	Ўрта даражада
12.	Наманган вилояти ҳокимлиги	78,6	+6,3	Ўрта даражада
13.	Тошкент шаҳар ҳокимлиги	66,0	-0,7	Қониқарли даражада
14.	Андижон вилояти ҳокимлиги	60,0	-0,1	Қониқарли даражада

Изоҳ.

1. Баҳолаш Адлия вазирлиги томонидан 2019 йил 3 октябрда 3187-рақами билан давлат рўйхатидан ўтказилган Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директорининг 2019 йил 26 августдаги 324-сон буйруғи билан тасдиқланган Низом асосида амалга оширилди.

2. Ўрганишлар 150 та ташкилот ва идорани қамраб олди. Баҳолаш 4 та – юқори, ўрта, қониқарли ва паст даража тоифаларига ажратилди. 45 нафар матбуот котиби (30%)нинг иш натижалари юқори, 59 нафари (39,4%)ники ўрта даражада баҳоланган бўлса, 38 нафари (25,4%)ники қониқарли, 8 нафари (5,2%)нинг фаолияти паст даражада, деб топилди.

Бироқ, ўрганишлар қатор йўналишда камчиликлар борлиги кўрсатди. Масалан, кадрлар қўнимсизлиги туфайли Адлия вазирлиги фаолиятида пасайиш кузатилган. Ваҳоланки рейтингда сўнгги 5 йил ичида доимий равишда юқори натижа қайд этиб келаётган ягона ташкилот бу ушбу вазирлик эди.

Қишлоқ хўжалиги вазирлиги матбуот тадбирлари ташкил этиш, онлайн эфирга узатиш, матбуот тадбирларида раҳбарларнинг иштироки масалаларда сусткашликка йўл қўйган.

Матбуот тадбирларида раҳбарият иштирокини таъминлашда республика ҳаётида муҳим ўринга эга бир қанча вазирликлар ҳам оқсаётганини кузатиш мумкин. Таҳлилларга кўра, 25 фоиз тадбирларда биринчи раҳбар, яъни вазир, қўмита раиси, агентлик директори иштирок этмоқда, 50 фоизи эса раҳбарият иштирокисиз, бошқарма ва бўлим бошлиқлари иштирокида ўтган.

Шунингдек, баҳолаш натижалари таҳлилига кўра, аксарият ахборот хизмати раҳбарлари видео форматида расмий баёнот бериш бўйича паст кўрсаткич қайд этган. Хусусан, қуйидаги матбуот котиблари ОАВ ёки ўз ресурслари орқали видео форматда баёнот бермаган - Камбағалликни қисқартириш ва бандлик вазирлиги, Ветеринария ва чорвачиликни ривожлантириш қўмитаси, Х. Сулаймонова номидаги Республика суд экспертизаси маркази, “Асакабанк” АЖ, “Тадбиркорликни ривожлантириш компанияси” АЖ. Аслида матбуот котибининг кенг жамоатчилик, оммавий ахборот воситалари вакиллари ва журналистларга ташкилот юзи сифатида танилиши муҳим аҳамиятга эга.

Таҳлиллар айрим ахборот хизмати раҳбари томонидан ҳалигача ижтимоий тармоқларда онлайн эфирларни ташкил қилиш масаласида оқсаётганини кўрсатмоқда. Аслида бугунги кунда “Facebook”, “Instagram” каби ижтимоий тармоқларда жонли эфирга чиқиш учун ҳеч қандай қўшимча ускуна ёки ишчи кучи талаб этилмаслиги оддий ҳақиқат.

Шу билан бирга, баҳолашдаги соҳага доир муаммоларни биринчи манба сифатида олиб чиқиш (ўзини ўзи танқид қила олиш) йўналиши деярли барча ташкилотлар томонидан тўлиқ бажарилмаган. Бироқ, бугун барча тизимларда муаммо ва камчиликлар оз эмаслиги яхши маълум. Шундай экан тизимдаги муаммоларни биринчи бўлиб олиб чиқиш ва ҳал қилиш ахборот хизмати учун муҳим вазифа бўлиб қолаверади.

Баҳолаш мезонида алоҳида эътибор қаратилган йўналишлардан яна бири – ОАВ ва ижтимоий тармоқларда эълон қилинган танқидий материалларга ахборот хизматининг расмий муносабатини билдириш ҳолатидир. Республика бўйича умумий ҳисобда танқидга жавоб бериш кўрсаткичи сезиларли даражада ўсган.

Афсуски, 2024 йил якунларига кўра, Инвестициялар, саноат ва савдо вазирлиги, Саноат, радиация ва ядро хавфсизлиги қўмитаси, Гидрометеорология хизмати агентлиги, Агросаноат мажмуи устидан назорат қилиш инспекцияси, Х. Сулаймонова номидаги Республика суд экспертизаси маркази, “Туронбанк” АТБ, “Ўзэнергосотиш” АЖ, “Ўзбекипаксаноат” уюшмаси, “Эл-юрт умиди” жамғармаси, Тошкент шаҳар ва Андижон вилояти ҳокимлиги мавжуд имкониятлар бўлишига қарамасдан энг паст натижаларни қайд этишди.

Бундан ташқари республикамиздаги мавжуд 208 та шаҳар-туман ҳокимликларидан 189 тасининг ахборот хизмати раҳбарлари фаолияти ҳам баҳоланиб, унга кўра:

- 25 нафар матбуот котиби (13,2%)нинг иш натижалари юқори, 104 нафари (55,0%)ники ўрта даражада баҳоланган бўлса, 55 нафари (29,1%)ники қониқарли, 5 нафари (2,7%)нинг фаолияти паст даражада деб топилди.

- Хонобод, Ғозғон, Марғилон, Қувасой, Оҳангарон, Олмалиқ шаҳри ва Жалақудуқ, Избоскан, Қўрғонтепа, Марҳамат, Шароф Рашидов, Зафаробод, Хатирчи, Тойлоқ, Фурқат, Қува, Фарғона, Тошлоқ, Оҳангарон туман ҳокимликларида ахборот хизмати вакант ёки тайинланганига 6 ойдан камроқ вақт бўлгани сабабли баҳоланмади.

Туман ва шаҳар ҳокимлиги ахборот хизматларининг 2024 йил давомидаги фаолияти самарадорлиги

НАТИЖАЛАРИ

Т/р	Туман ва шаҳар ҳокимлик номи	Кўрсаткич миқдори	Баҳоси
Қорақалпоғистон Республикаси
1.	Нукус шаҳар ҳокимлиги	86,5	Юқори даражада
2.	Қораўзак тумани ҳокимлиги	86,4	Юқори даражада
3.	Беруний тумани ҳокимлиги	86,1	Юқори даражада
4.	Амударё тумани ҳокимлиги	84,6	Ўрта даражада
5.	Мўйноқ тумани ҳокимлиги	83,4	Ўрта даражада
6.	Тўрткўл тумани ҳокимлиги	82,0	Ўрта даражада
7.	Шўманай тумани ҳокимлиги	81,3	Ўрта даражада
8.	Элликқалъа тумани ҳокимлиги	80,7	Ўрта даражада
9.	Кегейли тумани ҳокимлиги	78,3	Ўрта даражада
10.	Хўжайли тумани ҳокимлиги	76,9	Ўрта даражада
11.	Бўзатов тумани ҳокимлиги	76,4	Ўрта даражада
12.	Тахтакўпир тумани ҳокимлиги	76,0	Ўрта даражада
13.	Чимбой тумани ҳокимлиги	74,7	Ўрта даражада
14.	Нукус тумани ҳокимлиги	74,3	Ўрта даражада
15.	Тахиатош тумани ҳокимлиги	74,2	Ўрта даражада
16.	Қўнғирот тумани ҳокимлиги	72,5	Ўрта даражада
17.	Қонликўл тумани ҳокимлиги	72,2	Ўрта даражада
Андижон вилояти
1.	Балиқчи тумани ҳокимлиги	73,3	Ўрта даражада
2.	Пахтаобод тумани ҳокимлиги	72,8	Ўрта даражада
3.	Асака тумани ҳокимлиги	71,5	Қониқарли даражада
4.	Улуғнор тумани ҳокимлиги	71,3	Қониқарли даражада
5.	Булоқбоши тумани ҳокимлиги	69,7	Қониқарли даражада
6.	Шаҳрихон тумани ҳокимлиги	67,5	Қониқарли даражада
7.	Андижон шаҳри ҳокимлиги	64,1	Қониқарли даражада
8.	Хўжаобод тумани ҳокимлиги	64,0	Қониқарли даражада
9.	Андижон тумани ҳокимлиги	63,3	Қониқарли даражада
10.	Олтинкўл тумани ҳокимлиги	62,4	Қониқарли даражада
11.	Бўстон тумани ҳокимлиги	58,5	Қониқарли даражада
12.	Хонобод шаҳри ҳокимлиги	*	*
13.	Жалақудуқ тумани ҳокимлиги	*	*
14.	Избоскан тумани ҳокимлиги	*	*
15.	Қўрғонтепа тумани ҳокимлиги	*	*
16.	Марҳамат тумани ҳокимлиги	*	*
Бухоро вилояти
1.	Вобкент тумани ҳокимлиги	86,7	Юқори даражада
2.	Шофиркон тумани ҳокимлиги	86,4	Юқори даражада
3.	Олот тумани ҳокимлиги	86,1	Юқори даражада
4.	Ромитан тумани ҳокимлиги	84,5	Ўрта даражада
5.	Қоракўл тумани ҳокимлиги	84,4	Ўрта даражада
6.	Бухоро шаҳар ҳокимлиги	82,5	Ўрта даражада
7.	Когон тумани ҳокимлиги	81,2	Ўрта даражада
8.	Когон шаҳар ҳокимлиги	80,9	Ўрта даражада
9.	Бухоро тумани ҳокимлиги	80,5	Ўрта даражада
10.	Қоровулбозор тумани ҳокимлиги	79,9	Ўрта даражада
11.	Ғиждувон тумани ҳокимлиги	60,8	Қониқарли даражада
12.	Жондор тумани ҳокимлиги	60,1	Қониқарли даражада
13.	Пешкў тумани ҳокимлиги	58,7	Қониқарли даражада
Жиззах вилояти
1.	Янгиобод тумани ҳокимлиги	86,3	Юқори даражада
2.	Зарбдор тумани ҳокимлиги	86,0	Юқори даражада
3.	Фориш тумани ҳокимлиги	81,2	Ўрта даражада
4.	Мирзачўл тумани ҳокимлиги	80,5	Ўрта даражада
5.	Арнасой тумани ҳокимлиги	80,2	Ўрта даражада
6.	Дўстлик тумани ҳокимлиги	77,6	Ўрта даражада
7.	Пахтакор тумани ҳокимлиги	76,7	Ўрта даражада
8.	Зомин тумани ҳокимлиги	74,3	Ўрта даражада
9.	Жиззах шаҳар ҳокимлиги	72,4	Ўрта даражада
10.	Ғаллаорол тумани ҳокимлиги	69,3	Қониқарли даражада
11.	Бахмал тумани ҳокимлиги	62,5	Қониқарли даражада
12.	Ш. Рашидов тумани ҳокимлиги	*	*
13.	Зафаробод тумани ҳокимлиги	*	*
Қашқадарё вилояти
1.	Шаҳрисабз шаҳар ҳокимлиги	80,6	Ўрта даражада
2.	Қарши тумани ҳокимлиги	79,6	Ўрта даражада
3.	Шаҳрисабз тумани ҳокимлиги	79,2	Ўрта даражада
4.	Китоб тумани ҳокимлиги	78,8	Ўрта даражада
5.	Қарши шахар ҳокимлиги	78,2	Ўрта даражада
6.	Деҳқонобод тумани ҳокимлиги	78,0	Ўрта даражада
7.	Чироқчи тумани ҳокимлиги	76,3	Ўрта даражада
8.	Миришкор тумани ҳокимлиги	75,6	Ўрта даражада
9.	Косон тумани ҳокимлиги	74,5	Ўрта даражада
10.	Касби тумани ҳокимлиги	74,1	Ўрта даражада
11.	Қамаши тумани ҳокимлиги	72,7	Ўрта даражада
12.	Нишон тумани ҳокимлиги	72,0	Ўрта даражада
13.	Муборак тумани ҳокимлиги	70,3	Қониқарли даражада
14.	Ғузор тумани ҳокимлиги	68,3	Қониқарли даражада
15.	Кўкдала тумани ҳокимлиги	58,6	Қониқарли даражада
16.	Яккабоғ тумани ҳокимлиги	57,9	Қониқарли даражада
Навоий вилояти
1.	Кармана тумани ҳокимлиги	86,9	Юқори даражада
2.	Қизилтепа тумани ҳокимлиги	86,3	Юқори даражада
3.	Навбаҳор тумани ҳокимлиги	86,0	Юқори даражада
4.	Учқудуқ тумани ҳокимлиги	84,3	Ўрта даражада
5.	Нурота тумани ҳокимлиги	83,8	Ўрта даражада
6.	Навоий шаҳар ҳокимлиги	80,0	Ўрта даражада
7.	Конимех тумани ҳокимлиги	78,7	Ўрта даражада
8.	Томди тумани ҳокимлиги	75,6	Ўрта даражада
9.	Зарафшон шаҳар ҳокимлиги	74,7	Ўрта даражада
10.	Ғозғон шаҳар ҳокимлиги	*	*
11.	Хатирчи тумани ҳокимлиги	*	*
Наманган вилояти
1.	Косонсой тумани ҳокимлиги	86,2	Юқори даражада
2.	Наманган шаҳар ҳокимлиги	86,0	Юқори даражада
3.	Давлатобод тумани ҳокимлиги	83,9	Ўрта даражада
4.	Янги Наманган тумани ҳокимлиги	83,6	Ўрта даражада
5.	Мингбулоқ тумани ҳокимлиги	82,0	Ўрта даражада
6.	Янгиқўрғон тумани ҳокимлиги	82,0	Ўрта даражада
7.	Поп тумани ҳокимлиги	81,5	Ўрта даражада
8.	Тўрақўрғон тумани ҳокимлиги	80,3	Ўрта даражада
9.	Наманган тумани ҳокимлиги	79,6	Ўрта даражада
10.	Уйчи тумани ҳокимлиги	78,9	Ўрта даражада
11.	Чортоқ тумани ҳокимлиги	78,7	Ўрта даражада
12.	Норин тумани ҳокимлиги	78,3	Ўрта даражада
13.	Чуст тумани ҳокимлиги	78,2	Ўрта даражада
14.	Учқўрғон тумани ҳокимлиги	75,4	Ўрта даражада
Самарқанд вилояти
1.	Самарқанд шаҳар ҳокимлиги	87,9	Юқори даражада
2.	Каттақўрғон шаҳар ҳокимлиги	86,5	Юқори даражада
3.	Жомбой тумани ҳокимлиги	86,2	Юқори даражада
4.	Булунғур тумани ҳокимлиги	86,0	Юқори даражада
5.	Иштихон тумани ҳокимлиги	84,9	Ўрта даражада
6.	Пастдарғом тумани ҳокимлиги	83,4	Ўрта даражада
7.	Нуробод тумани ҳокимлиги	80.3	Ўрта даражада
8.	Каттақўрғон тумани ҳокимлиги	78,0	Ўрта даражада
9.	Оқдарё тумани ҳокимлиги	73,8	Ўрта даражада
10.	Ургут тумани ҳокимлиги	72,8	Ўрта даражада
11.	Нарпай тумани ҳокимлиги	72,2	Ўрта даражада
12.	Пайариқ тумани ҳокимлиги	70,9	Қониқарли даражада
13.	Самарқанд тумани ҳокимлиги	70,4	Қониқарли даражада
14.	Пахтачи тумани ҳокимлиги	70,0	Қониқарли даражада
15.	Қўшработ тумани ҳокимлиги	69,8	Қониқарли даражада
16.	Тойлоқ тумани ҳокимлиги	*	*
Сирдарё вилояти
1.	Боёвут тумани ҳокимлиги	79,0	Ўрта даражада
2.	Гулистон шаҳар ҳокимлиги	74,5	Ўрта даражада
3.	Гулистон тумани ҳокимлиги	71,1	Қониқарли даражада
4.	Ширин шаҳар ҳокимлиги	69,4	Қониқарли даражада
5.	Оқолтин тумани ҳокимлиги	67,8	Қониқарли даражада
6.	Сайхунобод тумани ҳокимлиги	67,5	Қониқарли даражада
7.	Сирдарё тумани ҳокимлиги	63,3	Қониқарли даражада
8.	Сардоба тумани ҳокимлиги	62,0	Қониқарли даражада
9.	Ховос тумани ҳокимлиги	61,9	Қониқарли даражада
10.	Мирзаобод тумани ҳокимлиги	59,6	Қониқарли даражада
11.	Янгиер шаҳар ҳокимлиги	57,9	Қониқарли даражада
Сурхондарё вилояти
1.	Денов тумани ҳокимлиги	86,8	Юқори даражада
2.	Шўрчи тумани ҳокимлиги	86,3	Юқори даражада
3.	Бойсун тумани ҳокимлиги	86,1	Юқори даражада
4.	Ангор тумани ҳокимлиги	84,3	Ўрта даражада
5.	Термиз тумани ҳокимлиги	83,6	Ўрта даражада
6.	Сариосиё тумани ҳокимлиги	83,1	Ўрта даражада
7.	Шеробод тумани ҳокимлиги	82,0	Ўрта даражада
8.	Узун тумани ҳокимлиги	80,8	Ўрта даражада
9.	Музработ тумани ҳокимлиги	78,5	Ўрта даражада
10.	Термиз шаҳар ҳокимлиги	76,6	Ўрта даражада
11.	Қизириқ тумани ҳокимлиги	74,0	Ўрта даражада
12.	Жарқўрғон тумани ҳокимлиги	74,2	Ўрта даражада
13.	Бандихон тумани ҳокимлиги	72,4	Ўрта даражада
14.	Қумқўрғон тумани ҳокимлиги	72,3	Ўрта даражада
15.	Олтинсой тумани ҳокимлиги	66,9	Қониқарли даражада
Тошкент вилояти
1.	Тошкент тумани ҳокимлиги	86,7	Юқори даражада
2.	Бекобод тумани ҳокимлиги	86,0	Юқори даражада
3.	Чирчиқ шаҳар ҳокимлиги	81,0	Ўрта даражада
4.	Чиноз тумани ҳокимлиги	80,3	Ўрта даражада
5.	Янгийўл тумани ҳокимлиги	79,6	Ўрта даражада
6.	Ўрта Чирчиқ тумани ҳокимлиги	78,0	Ўрта даражада
7.	Зангиота тумани ҳокимлиги	77,9	Ўрта даражада
8.	Ангрен шаҳар ҳокимлиги	76,3	Ўрта даражада
9.	Бўстонлиқ тумани ҳокимлиги	76,0	Ўрта даражада
10.	Пискент тумани ҳокимлиги	75,3	Ўрта даражада
11.	Бўка тумани ҳокимлиги	75,0	Ўрта даражада
12.	Юқори Чирчиқ тумани ҳокимлиги	74,3	Ўрта даражада
13.	Нурафшон шаҳар ҳокимлиги	72,0	Ўрта даражада
14.	Янгийўл шаҳар ҳокимлиги	70,0	Қониқарли даражада
15.	Қибрай тумани ҳокимлиги	69,6	Қониқарли даражада
16.	Оққўрғон тумани ҳокимлиги	69,3	Қониқарли даражада
17.	Бекобод шаҳар ҳокимлиги	65,0	Қониқарли даражада
18.	Паркент тумани ҳокимлиги	63,3	Қониқарли даражада
19.	Қуйи Чирчиқ тумани ҳокимлиги	59,3	Қониқарли даражада
20.	Оҳангарон шаҳар ҳокимлиги	**	**
21.	Олмалиқ шаҳар ҳокимлиги	**	**
22.	Оҳангарон тумани ҳокимлиги	**	**
Фарғона вилояти
1.	Қўштепа тумани ҳокимлиги	81,2	Ўрта даражада
2.	Риштон тумани ҳокимлиги	78,9	Ўрта даражада
3.	Сўх тумани ҳокимлиги	78,8	Ўрта даражада
4.	Ёзёвон тумани ҳокимлиги	70,5	Қониқарли даражада
5.	Учкўприк тумани ҳокимлиги	69,0	Қониқарли даражада
6.	Қўқон шаҳар ҳокимлиги	68,2	Қониқарли даражада
7.	Бағдод тумани ҳокимлиги	64,0	Қониқарли даражада
8.	Ўзбекистон тумани ҳокимлиги	61,9	Қониқарли даражада
9.	Данғара тумани ҳокимлиги	55,9	Паст даражада
10.	Олтиариқ тумани ҳокимлиги	55,7	Паст даражада
11.	Фарғона тумани ҳокимлиги	53,2	Паст даражада
12.	Бешариқ тумани ҳокимлиги	53,0	Паст даражада
13.	Бувайда тумани ҳокимлиги	33,4	Паст даражада
14.	Тошлоқ тумани ҳокимлиги	**	**
15.	Қувасой шаҳар ҳокимлиги	**	**
16.	Марғилон шаҳар ҳокимлиги	*	*
17.	Фурқат тумани ҳокимлиги	*	*
18.	Қува тумани ҳокимлиги	*	*
19.	Фарғона шаҳар ҳокимлиги	*	*
Хоразм вилояти
1.	Ҳазорасп тумани ҳокимлиги	86,3	Юқори даражада
2.	Хива туман ҳокимлиги	86,0	Юқори даражада
3.	Тупроққалъа тумани ҳокимлиги	85,0	Ўрта даражада
4.	Гурлан тумани ҳокимлиги	80,3	Ўрта даражада
5.	Янгиариқ тумани ҳокимлиги	80,0	Ўрта даражада
6.	Урганч тумани ҳокимлиги	79,4	Ўрта даражада
7.	Шовот тумани ҳокимлиги	79,2	Ўрта даражада
8.	Хонқа тумани ҳокимлиги	70,4	Қониқарли даражада
9.	Янгибозор тумани ҳокимлиги	66,5	Қониқарли даражада
10.	Хива шаҳар ҳокимлиги	64,0	Қониқарли даражада
11.	Қўшкўпир тумани ҳокимлиги	63,3	Қониқарли даражада
12.	Боғот тумани ҳокимлиги	61,5	Қониқарли даражада
13.	Урганч шаҳар ҳокимлиги	58,5	Қониқарли даражада
Тошкент шаҳар
1.	Янгиҳаёт тумани ҳокимлиги	86,9	Юқори даражада
2.	Миробод тумани ҳокимлиги	83,0	Ўрта даражада
3.	Учтепа тумани ҳокимлиги	81,0	Ўрта даражада
4.	Олмазор тумани ҳокимлиги	80,0	Ўрта даражада
5.	Мирзо Улуғбек тумани ҳокимлиги	76,0	Ўрта даражада
6.	Юнусобод тумани ҳокимлиги	76,0	Ўрта даражада
7.	Шайхонтоҳур тумани ҳокимлиги	73,0	Ўрта даражада
8.	Чилонзор тумани ҳокимлиги	73,0	Ўрта даражада
9.	Яккасарой тумани ҳокимлиги	71,0	Қониқарли даражада
10.	Бектемир тумани ҳокимлиги	70,0	Қониқарли даражада
11.	Сергели тумани ҳокимлиги	68,0	Қониқарли даражада
12.	Яшнобод тумани ҳокимлиги	67,0	Қониқарли даражада

Изоҳ: 1. Баҳолаш Адлия вазирлиги томонидан 2019 йил 3 октябрда 3187-рақами билан давлат рўйхатидан ўтказилган Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директорининг 2019 йил 26 августдаги 324-сон буйруғи билан тасдиқланган Низомга асосида амалга оширилди.

2. Ўрганишлар 208 та туман ва шаҳар ҳокимликларини қамраб олди. Баҳолаш 4 та – юқори, ўрта, қониқарли ва паст даражада тоифаларига ажратилди. 25 нафар матбуот котиби (13,2%)нинг иш натижалари юқори, 106 нафари (55,0%)ники ўрта даражада баҳоланган бўлса, 53 нафари (29,1%)ники қониқарли, 5 нафари (2,7%)нинг фаолияти паст даражада деб топилди.

3. Хонобод, Ғозғон, Марғилон, Қувасой, Оҳангарон, Олмалиқ шаҳри ва Жалақудуқ, Избоскан, Қўрғонтепа, Марҳамат, Ш. Рашидов, Зафаробод, Хатирчи, Тойлоқ, Фурқат, Қува, Фарғона, Тошлоқ, Оҳангарон туман ҳокимликлари вакант ёки тайинланганига 6 ойдан камроқ вақт бўлгани сабабли баҳоланмади.

Бугунги кунда республикада 1000 нафардан ортиқ матбуот котиби фаолият юритмоқда. Айни пайтда улардан 340 нафарининг фаолият самарадорлиги баҳоланди. Агентлик томонидан келгусида барча матбуот котибларини ушбу самарадорлик рейтингига киритиш устида иш олиб борилмоқда.

Хусусан, жорий йилдан бошлаб Агентлик томонидан вазирлик ва идораларнинг ҳамда республика аҳамиятига молик ташкилотларнинг ҳудудий бошқармалари ахборот хизмати раҳбарларининг ҳам фаолият самарадорлигини баҳолаш режалаштирилган.

Агентлик ахборот хизматлари фаолиятини янада такомиллаштириш, уларга қўйилаётган вазифаларни самарали бажаришларини таъминлаш, давлат ва оммавий ахборот воситалари ўртасида чинакам кўприкка айланиши учун тизимли иш олиб бормоқда. Матбуот котиблари фаолиятининг баҳоланиши ва рейтинги юритилишидан кўзланган асосий мақсад ҳам керакли хулосалар чиқариш ва мавжуд камчиликларни бартараф қилиш бўйича ишларни ташкил қилишга қаратилган. Барча матбуот котиблари бу жараённи чуқур тушунган ҳолда, келгусида ўз позицияларини мустаҳкамлаш, вазифаларини сидқидилдан бажариш учун фаоллик кўрсатишига ишонамиз.

Ўзбекистон Республикаси Президентининг расмий веб-сайти

Ўзбекистон Республикаси Ҳукумат портали

Миллий ҳуқуқий интернет портали

Ўзбекистон Республикаси Қонун ҳужжатлари маълумотлари миллий базаси

Увеличить на0%

Ахборот хизмати раҳбарлари фаолияти самарадорлиги натижалари

Вид сайта

Размер шрифта